Boeing 717
| Boeing 717 | |
|---|---|
_at_Sydney_Airport.jpg) 717 de Jetstar Airways | |
| Tipo | pasaxeiros |
| Fabricante | Boeing |
| Deseñado por | McDonnell Douglas |
| Primeiro voo | 2 de setembro de 1998 |
| Unidades construídas | 156 |
O Boeing 717 é un avión de pasaxeiros bimotor deseñado e comercializado por McDonnell Douglas como MD-95, un aparello de terceira xeración derivado do DC-9. Ten unha capacidade máxima de 117 pasaxeiros e un máximo alcance de 3.820 quilómetros.
O primeiro pedido tivo lugar en outubro de 1995 e McDonnell Douglas e Boeing fusionáronse en 1997, antes de que comezase a súa produción. O primeiro voo realizouse o 2 de setembro de 1998 e entrou en servizo en 1999 xa co nome de Boeing 717. A súa fabricación rematou en maio do 2006, despois de que se construísen 156 exemplares.