Física teórica

A Física Teórica considera o coñecemento do mundo pola construción dun modelo da realidade, usado para racionalizar, explicar, predicir fenómenos físicos a través dunha "teoría física". Hai tres tipos de teorías en física; comúns, propostas e de borde ou experimentais.

Algunhas teorías físicas están contrastadas pola observación, mentres que outras non resiten a proba. Unha teoría física é un modelo de sucesos físicos e non pode ser probado a partir de axiomas básicos. Unha teoría física marca así deferenzas co que é un teorema matemático. As teorías físicas son un modelo da realidade (ou modelan a realidade) e son unha estratificación do que foi observado, provendo de predicións de novas observacións.

As teorías físicas poden ser aceptadas se permiten facer predicións correctas e desmentir predicións falsas. As teorías físicas máis sinxelas tenden a ser aceptadas sobre as máis complexas. O mesmo pasa coas que enlazan diversos fenomenos do campo da física. O proceso de proba dunha teoría física é parte do método científico.

Teorías principais ou teorías da "corrente principal"("Mainstream theories")

As "teorías principais" (tamén chamadas teorías centrais e "teorías da corrente principal") forman o corpo principal do coñecemento dos puntos de vista tanto experimental como científico. Son teorías aceptadas pola comunidade científica internacional por gozaren dunha calidade científica verificada nas probas de repetición e por seren consistentes coa ciencia e a experimentación existentes e consolidadas.

Exemplos de teorías físicas da corrente principal ("Mainstream physical theories"):

Mecánica clásica -- Física da materia condensada -- Dinámica (mecánica) -- Electromagnetismo -- Teoría de campo (física) -- Dinámica fluída -- Relatividade xeral -- Física de partículas -- Mecánica cuántica -- Teoría do campo cuántico -- Física do estado sólido-- Estrutura electrónica de materiais -- Relatividade especial -- Modelo estándar -- Mecánica estatística -- Termodinámica

Teorías "de propostas" ("Proposed theories")

As "teorías de propostas" da física son teorías relativamente novas que inclúen dentro do estudo da física aproximacións científicas, medios para determinar a validez de modelos e novos tipos de razoamento usadas para chegar á teoría. As teorías de propostas engloban teorías de "franxas" mentres están en proceso de asentamento (e ás veces de gañar unha aceptación máis ampla). Normalmente as teorías de propostas non foron verificadas.

Exemplos de teorías físicas de propostas:

Teoría dinámica da gravidade -- Emerxencia -- Gran teoría da unificación -- Gravidade Loop quantum -- Teoría M -- Universo plasma -- Teoría de cordas -- Theoría de todo

Teorías "de franxas" ("Fringe theories")

As "teorías de franxas" inclúen calquera nova área de investigación científica no proceso de se tornaren estables e algunhas delas "teorías de propostas". Poden incluír ciencias especulativas e abranguer campos e teorías da física presentadas conforme á evidencia coñecida. Xeralmente fanse conforme a teoría concreta unha serie de predicións asociadas.

Algunhas das teorías de franxas tórnanse teorías amplamente aceptadas como parte da física. Outras acaban sendo desaprobadas e rexeitadas. Algunhas teorías de franxas constitúen unha especie de protociencia. O falseamento da teoría orixinal conduce ás veces á reformulación da teoría.

Exemplos de teorías físicas de franxas son:

Fusión fría -- Teoría dinámica da gravidade -- Gran teoría da unificación -- Gravidade Loop quantum -- Éter luminífero -- Enerxía orgónica -- Sistema recíproco de teoría -- Teoría do estado permanente -- Teoría de todo