Rosetta (sonda espacial)

Para outras páxinas con títulos homónimos véxase: Rosetta.

Rosetta foi unha nave espacial robótica deseñada, construída e lanzada pola ESA, o seu obxectivo principal foi o cometa 67P/Churyumov-Gerasimenko.

**Rosetta**
modelo da sonda Rosetta
Características técnicas
Tipo de misión:	Orbitador/Módulo de descenso de Cometa
Duración da misión:	12 anos
Outros nomes do orbitador:	2004-006A, 28169
Nome do módulo de descenso:	Philae
Data de lanzamento:	2 de marzo de 2004
Lugar e hora de lanzamento:	Centro Espacial de Kourou ás 07:17 UT.
Lanzadeira:	Ariane 5 V-158
Peso do orbitador e o lander:	3.000 kg
Asistencias gravitacionais:	3 da Terra: 4-3-05, 13-11-07 e 13-11-09 1 de Marte: 25-02-07
Obxectivo do lander:	Cometa 67P/Churyumov-Gerasimenko
Chegada do orbitador:	Agosto de 2014
Descenso do módulo:	Novembro de 2014

O nome da sonda é unha homenaxe á Pedra Rosetta que permitiu a Jean-François Champollion descifrar os xeroglíficos exipcios, fai alusión ao obxectivo científico da misión de coñecer mellor os elementos mais antigos do sistema solar (asteroides e cometas). O nome do lander, Philae, fai referencia á illa do río Nilo onde se atopou o obelisco de Philae que permitiu coñecer as consoantes do exipcio.

A misión foi aprobada pola ESA no ano 1993. A data de lanzamento foi programada para xaneiro do 2003 e tiña coma obxectivo ir ao encontro do cometa 46P/Wirtanen no ano 2011. Atrasos no lanzamento da nave, co conseguinte peche da ventá de oportunidade, fixeron mudar o obxectivo ao cometa 67P/Churyumov–Gerasimenko.^[1]

O control da misión estivo a cargo da DLR.

Instrumentación científica do orbitador

OSIRIS.- sistema de captación de imaxes.
ALICE.- Espectrómetro de imaxes no canal ultravioleta.
VIRTIS.- Espectrómetro de mapeo de imaxes nos canais visible e infravermello.
MIRO.- Analizador de microondas.
CONSERT.- Sonda de ultrasóns do núcleo do cometa.
COSIMA.- Analizador de masas dos ións secundarios do cometa.
GIADA.- Acumulador e analizador de impactos de graos e po cometario.
MIDAS.- Sistema de análise de microimaxes.
ROSINA.- Espectrómetro de ións.
RPC.- Analizador de plasma
RSI.- Sistema de análise de radio.

Instrumentación científica do módulo de descenso Philae

APXS.- Espectrómetro de protóns e raios X.
CIVA.- Sistema de recollida de imaxes.
CONSERT.- Sondaxe por ultrasóns do núcleo cometario.
COSAC.- Experimento de mostraxe e composición cometaria.
MODULO PTOLOMEO.- Analizador de gases.
MUPUS.- Sensor multiuso de superficie.
ROMAP.- Magnetómetro e monitor de plasma.
SD2.- Dispositivos de mostraxe.
SESAME.- Experimento de monitorización de superficie eléctrica e ecústica, monitor de impacto de po.

Cronoloxía da misión

Explicación da Misión Rosetta realizada por Manuel Andrade, profesor da USC.

2 de marzo de 2004: Saída da Terra.
4 de marzo de 2005: Primeira asistencia gravitacional terrestre.
25 de febreiro de 2007: Asistencia gravitacional de Marte.
13 de novembro de 2007: Segunda asistencia gravitacional terrestre.
5 de setembro de 2008: Sobrevoo do asteroide 2867 Šteins.
13 de novembro 2009: Terceira asistencia gravitacional terrestre.
10 de xullo de 2010: Sobrevoo do asteroide 21 Lutetia.
8 de xuño de 2011: Entrada en invernación de espazo profundo.

Ano 2014

19 de xaneiro^[1] de 2014 - Saída da invernación de espazo profundo: Ás 10:00 UTC a computadora da sonda saíu do estado de invernación e comezou a restablecer os sistemas da sonda, restablecendo a comunicación co centro de control na Terra a través do complexo de comunicacións do espazo profundo Goldstone da NASA ás 18:18 UT.^[2]
Maior manobra para ó achegamento ao cometa: maio de 2014.
Chegada do orbitador ao carón do Cometa: agosto 2014. Inserción orbital completa arredor do cometa 67/P.
Aterraxe do lander Philae na superficie do cometa: novembro de 2014.