Pancorbo

Pancorbo
Localización
	42°38′06″N 3°06′38″O / 42.635, -3.1105555555556
Estado	España
Comunidade autónoma	Castela e León
Provincia	provincia de Burgos
Capital	Pancorbo
Poboación
Poboación	433 (2023) (7,41 hab./km²)
Xeografía
Parte de	Q107554056
Superficie	58,45 km²
Altitude	634 m
Comparte fronteira con	Altable ; Bozoó ; Valle de Tobalina ; Santa Gadea del Cid ; Encío ; Ameyugo ; Partido de la Sierra en Tobalina ; Villanueva de Teba ; Miraveche ; Valluércanes ; Santa María Rivarredonda ; Foncea (pt)
Organización política
• Alcalde	Carlos Ortiz Caño (en)
Identificador descritivo
Código postal	09280
Fuso horario	UTC+01:00
Código INE	09251
Páxina web	pancorbo.es

Pancorbo é un concello español, no nordeste da provincia de Burgos, na comunidade autónoma de Castela e León. Ocupa unha superficie de 58,45 km², cunha poboación de 493 habitantes (2013). Dista 63 km da capital provincial, e só 17 km de Miranda de Ebro. O xentilicio que designa aos seus poboadores é pancorbino.

Tradicionalmente formou parte da comarca da Bureba, pero as reorganizacións recentes asígnano á comarca do Ebro.

Etimoloxía

O nome de Pancorbo procede do latín ponte curvu: ponte curva.

Historia

No ano 883 a crónica de Albelda indica que o conde alavés Vela Ximénez tomou o castro "cui Pontecorbum nomen est" (que ten por nome Pontecorbum), pasando a formar parte das terras castelás. Durante parte do século XI formou parte do reino de Navarra, pasando a Castela de xeito definitivo en 1076, so o rei Afonso VI. En 1147, Pancorbo recibiu carta foral do rei Afonso VII. Posteriormente outorgóuselle a capitalidade da merindade da Bureba, dada a súa prosperidade. Tivo barrio xudeu e foi un dos lugares de paso do Camiño de Santiago.

Ao pasar a ser Briviesca a capital da Bureba, Pancorbo perdeu a súa importancia, entrando en decadencia.

A finais do XVIII contaba cunha fortaleza, que sería ocupada polas tropas napoleónicas ata 1813. O Exército de Galicia, ao mando do xeneral Blake, enfrontaríase na batalla de Pancorbo aos franceses.

En 1862 chegou o ferrocarril Madrid-Irún a Pancorbo, pero non significou ningún pulo para a poboación, dada a proximidade do nó ferroviario de Miranda de Ebro.