Mark Blackburn
- Para outros artigos con títulos relacionados, véxase Blackburn (homónimos)
Mark Alistair Sinclair Blackburn, nado o 5 de xaneiro de 1953 en Camberley, no condado inglés de Surrey, e finado o 1 de setembro de 2011 en Cambridge, foi un numismático e historiador económico británico, especializado na circulación monetaria nas illas británicas e en Escandinavia entre os séculos XV e XII.[1][2][3][4][5][6]
| Biografía | |
|---|---|
| Nacemento | 5 de xaneiro de 1953 Camberley, Reino Unido (pt)   |
| Morte | 1 de setembro de 2011 (58 anos) Cambridge Inglaterra |
| 28º Presidente da Sociedade Numismática Británica | |
| 2004 – 2008 ← David W Dykes (en) – Robin John Eaglen (en) → | |
| Datos persoais | |
| País de nacionalidade | .svg){kind=small} Británica |
| Educación | Universidade de Oxford. |
| Q89547790 | - Presidente da RNS. - Conservador do Museo Fitwilliam. - Profesor na Universidade de Cambridge. |
| Actividade | |
| Campo de traballo | Numismática e historia da economía. |
| Ocupación | numismático, profesor universitario |
| Empregador | Museo Fitzwilliam |
| Membro de | |
| Obra | |
| Doutorando | Andrew Woods (en) |
| Familia | |
| Cónxuxe | Fiona Anne Haigh. |
| Premios | |
| · (1972): Parkes Weber (RNS). · (1987) Premio Blunt (BNS). · (1987): Premio literario ANS. · (1991): J. de Vermeil (SFN). · (2008): Medalla da RNS. · (2008): Sanford Saltus (BNS). · (2011): Derek Allen BA. · (2011): Gunnar Holst. | |
Traxectoria
editarBlackburn cursou o seu ensino secundario na Skinners' School, na localidade de Tunbridge Wells, e cursou estudos superiores na Universidade de Oxford, onde se graduou primeiro en Química e, en 1975, en Xurisprudencia. Traballou durante un tempo como avogado e en 1978 ingresou na compañía de banca comercial Kleinwort Benson.[1][2][3][4][5][6]
Nesa época comezou a destacar como erudito numismático, xunto con outros estudosos desta disciplina xurdidos no Reino Unido a partir da década de 1950, como Michael Dolley, Christopher Blunt, Stewart Lyon ou Michael Metcalf.[2][5]
En 1982 entrou no Gabinete de Moedas e Medallas do Museo Fitzwilliam, da Universidade de Cambridge, como asistente investigador, da man de Philip Grierson, e alí chegou a ocupar o posto de conservador desde 1991 a 2011, levando a institución ao máximo nivel mundial en investigación numismática medieval. Blackburn exerceu tamén como profesor de Numismática e de Historia Monetaria na Universidade de Cambridge entre 2004 e 2011. A partir de 2005 foi membro do Colexio Gonville and Caius, da Universidade de Cambridge.[1][2][3][4][5][6]
Blackburn tomou parte moi activa no proxecto Medieval European Coinage ("Cuñaxes Europeas Medievais"), unha serie de publicacións que catalogan a moeda da Idade Media, editadas por Cambridge University Press en asociación co Museo Fitzwilliam, de Cambridge, que abranguen as cuñaxes de Europa desde ca. 450 ata 1500.[7][8] O proxecto partiu da idea de Philip Grierson, e Blackburn foi o primeiro editor xeral da serie.[9]
Blackburn foi tamén editor xeral do proxecto Sylloge of Coins of the British Isles entre os anos 1980 e 2011.[10]
Presidiu a British Numismatic Society entre os anos 2004 e 2008.[1][2][3][4][5][11]
Blackburn faleceu de cancro de pel o 1 de setembro de 2011 en Cambridge, onde residía xunto coa súa muller, Fiona Anne Haigh, con quen casara en 1980 e coa que tiña tres fillos.[1][2][3][4][5][6]
Recoñecementos
editarEstes son os recoñecementos máis salientables acadados por Mark Blackburn ao longo da súa traxectoria:[1]
- 1972: Premio Parkes Weber, da Royal Numismatic Society.[12]
- 1983: Membro electo da Sociedade de Anticuarios de Londres.[1]
- 1987: Premio Blunt, da British Numismatic Society.[13]
- 1987: Premio literario da Asociación Internacional de Numismáticos Profesionais.[14]
- 1989: Membro electo da Royal Historical Society.[1]
- 1991: Premio Jeton de Vermeil, da Sociedade Francesa de Numismática.[15]
- 2008: Medalla da Royal Numismatic Society.[16]
- 2008: Medalla Sanford Saltus, da British Numismatic Society.[17]
- 2011: Premio Derek Allen, da Academia Británica.[18]
- 2011: Medalla Gunnar Holst, de Goteburgo, Suecia.[19]
Escolma de publicacións
editarEstas son algunhas das monografías máis salientables de M. A. S. Blackburn:[20]
- (1981): Viking-age coinage in the northern lands : the sixth Oxford Symposium on Coinage and Monetary History (con D. M. Metcalf). 2 vol. Oxford. British Archaeological Reports. ISBN 9780860541509
- (1986): Medieval European Coinage: With a Catalogue of the Coins in the Fitzwilliam Museum, Cambridge. The early Middle Ages, 5th-10th centuries (con P. Grierson). Cambridge University Press. ISBN 9780521031776
- (1998): Kings, currency, and alliances : history and coinage of southern England in the ninth century (con D. N. Dunville). Rechester. Boydell Press. ISBN 9780851155982
- (2007): Royal Coin Cabinet, Stockholm, Part V: Anglo-Saxon Coins: Edward the Confessor and Harold II, 1042-1066 (con F. Colman). Oxford University Press. ISBN 9780197262337
- (2011): Viking coinage and currency in the British Isles. Londres. Spink. ISBN 9781907427053
Notas
editar- ↑ 1,0 1,1 1,2 1,3 1,4 1,5 1,6 1,7 "Blackburn, Mark Alistair Sinclair"'. En Who's Who and Who Was Who . Bloomsbury Publishing. 1920-2016 (versión en liña de Oxford University Press, 2016).
- ↑ 2,0 2,1 2,2 2,3 2,4 2,5 Naismith, R. (2011). "Mark Blackburn obituary". En The Guardian. 29 de setembro de 2011.
- ↑ 3,0 3,1 3,2 3,3 3,4 "Mark Blackburn". En The Daily Telegraph. 25 de outubro de 2011.
- ↑ 4,0 4,1 4,2 4,3 4,4 Fox, Mark (2011). "Numismatic pioneer dies". En World Coin News. Outubro. Páxinas 4 e 12.
- ↑ 5,0 5,1 5,2 5,3 5,4 5,5 Naismith, R. (2011). "Mark Blackburn, LittD, FSA (1953–2011)". En The British Numismatic Journal. Vol. 81. British Numismatic Society. Páxina 300-303.
- ↑ 6,0 6,1 6,2 6,3 "Mark Blackburn". En The Times. 30 de setembro de 2011.
- ↑ "About Medieval European Coinage". No sitio web de Cambridge University Press.
- ↑ "Medieval European Coinage update (Name in the Book Somewhere III)". En A Corner of Tenth-Century Europe. 21 de outubro de 2018.
- ↑ "Medieval European Coinage". En The British Academy.
- ↑ "Sylloge of Coins of the British Isles: Introduction". The Fitzwilliam Museum.
- ↑ "History: Presidents of the Society". No sitio web da BNS.
- ↑ "The Parkes Weber Prize". The Royal Numismatic Society.
- ↑ "Prizes": Arquivado 04 de agosto de 2020 en Wayback Machine. No sitio web da BNS.
- ↑ "IAPN-Book Prize Arquivado 19 de xaneiro de 2019 en Wayback Machine.". No sitio web de IAPN-AINP.
- ↑ "Médaille et jeton de vermeil". Société Française de Numismatique (SFN).
- ↑ "The Society’s Medal". Royal Numismatic Society.
- ↑ "Sanford Saltus Gold Medal". British Numismatic Society.
- ↑ "Derek Allen Prize". The British Academy.
- ↑ "Gunnar Holsts prismedalj 2011". En Svensk Numismatisk Tidskrift. Sociedade Numismática Sueca. Decembro de 2011. Páxina 188.
- ↑ "Blackburn, M. A. S.". Worldcat.org