María Xesús Lama

María Xesús Lama López, nada en Santa Euxea (Guntín) en 1964, é unha filóloga luguesa. En 2018 foi distinguida co Premio Nacional de Ensaio, que outorga con carácter anual o Ministerio de Cultura e Deporte de España, pola súa obra Rosalía de Castro. Cantos de independencia e liberdade (1837-1863).

María Xesús Lama

(2023)
Biografía
Nacemento	1964 (59/60 anos) Santa Euxea, España
Educación	Universidade de Santiago de Compostela
Actividade
Ocupación	filóloga, tradutora, escritora, profesora universitaria, ensaísta
Empregador	Universidade de Barcelona
Familia
Irmáns	Xavier Lama
Premios
(2018)  Premio Nacional de Ensaio en España (2018)  Premio de Investigación Ramón Baltar Feijoo

Traxectoria

Estudou Filoloxía Galego-Portuguesa e Filoloxía Hispánica na Universidade de Santiago de Compostela no 1987 e doutorouse na Universidade de Barcelona no 2002 cun traballo sobre a apropiación dos materiais lendarios celtas e da materia de Bretaña na literatura galega contemporánea.

A súa investigación céntrase na interrelación entre o proceso de construción nacional e a literatura en Galicia e desenvólvese en tres direccións principais nas que se centran as súas publicacións: a vida e a obra de Rosalía de Castro como escritora fundacional da literatura galega, o tratamento literario da suposta orixe celta de Galicia e a literatura da emigración e o exilio. Publicou tamén traducións do alemán e do inglés ao galego.

Colabora habitualmente en diversas revistas literarias.

Obras

Ensaio

• O celtismo e a materia de Bretaña na literatura galega: cara á construcción dun contradiscurso histórico ficcional na obra de Xosé Luís Méndez Ferrín, 2001, Universidade de Barcelona.
• Rosalía de Castro. Cantos de independencia e liberdade (1837-1863), 2017, Galaxia.

Traducións

• A vida e o tempo de Diego Xelmírez, de R. A. Fletcher, 1992, Galaxia. Tradución con Henrique Monteagudo.
• Contos, de Hoffmann, 1996, Tris Tram. Tradución con Marta Ares Fontela.
• Vinte e nove contos, de Quim Monzó, 2008, Sotelo Blanco.

Edicións

• Cantares Gallegos, de Rosalía de Castro, 1995 e 2008, Galaxia.
• Canto do pobo disperso, de Valentín Paz-Andrade, 2012, Consello da Cultura Galega.

Obras colectivas

• Actas do VII Congreso Internacional de Estudos Galegos. Mulleres en Galicia. Galicia e os outros pobos da Península. Barcelona, 2003, 2007, Ediciós do Castro. Coeditora con Helena González.
• Do sentimento á conciencia de Galicia: correspondencia, 1961-1984, de Ramón Piñeiro e Basilio Losada, 2009, Galaxia. Edición con Helena González.
• Ramón Piñeiro. Día das Letras Galegas 2009, 2009, Universidade de Santiago.

Premios

• Premio Fervenzas Literarias ao mellor libro de ensaio/investigación de 2017, por Rosalía de Castro. Cantos de independencia e liberdade.
• En 2018 gañou o Premio Nacional de Ensaio que concede o Ministerio de Cultura e Deporte de España por Rosalía de Castro. Cantos de independencia e liberdade (1837-1863).
• Premio de ensaio Baltar Feijoo da Fundación Rosalía de Castro por Rosalía de Castro. Cantos de independencia e liberdade (1837-1863).

Véxase tamén

Outros artigos

• Xavier Lama López