Ir Indo
Ir Indo Edicións é unha editorial viguesa, en galego, castelán, inglés e francés, fundada en 1985 por Bieito Ledo Cabido.[2]
| Ir Indo Edicións | |
|---|---|
 A EGU é un dos principais produtos de Ir Indo. | |
| Tipo | Sociedade Limitada |
| Fundación | 14 de novembro de 1985 (39 anos) |
| Localización | Avda. da Florida 30, Vigo |
| Persoas clave | Bieito Ledo Cabido |
| Industria | Editorial |
| Produtos | EGU, dicionarios, infantil e xuvenil. |
| Notas | |
| Prefixo ISBN: 978-84-7680 [1] | |
| Na rede | |
| http://www.irindo.com | |
| [ editar datos en Wikidata ] | |
Descrición
editarO nome débese á idea que lle deu a Ledo o carpinteiro da súa aldea de Padroso, cando lle dixo: O caso é ir indo.[3]
Ten máis de cincocentos títulos,[1] dentro das coleccións Dicionarios, Galegos na Historia, Narrativa, O Parrulo, Elefante Contacontos, Recursos, Festas na escola, A fraga, Raigame, Letras Hispanas, Clásicos, Cidades-vilas, Guías, Arquivo da Imaxe, Manuais, Nabarquela e Memorias.
Entre os autores editados por Ir Indo están Álvaro Cunqueiro, Francisco Fernández del Riego, Alfredo Conde, Xosé Mª. Álvarez Blázquez, Darío Xohán Cabana, Xosé A. Perozo, Marilar Aleixandre, Tucho Calvo, Moncho Borrajo, Roald Dahl, Robert Musil, Joseph Conrad, Edgar Allan Poe, Lovecraft, Tolstoi, Castelao, Antón Fraguas, Rafael Dieste, Eugenio Granell, Camilo José Cela, Méndez Ferrín, Filgueira Valverde, Torrente Ballester, Rudyard Kipling, F. Scott Fitzgerald e Xulio Verne.
Obras de consulta
editarEditou entre 1999 e 2006 a Enciclopedia Galega Universal Ir Indo, de dezaseis volumes,[4] que tivo versión en liña en Internet.[5] No ano 2003, por encarga de La Voz de Galicia, editou o Diccionario Enciclopédico Galego Universal (DEGU) de sesenta tomos.
Outras obras de consulta destacadas da editorial son o Dicionario biográfico de Galicia (2010-2011, tres tomos), o Dicionario de Galego Ir Indo[6] ou o Diccionario dos nomes galegos de Xesús Ferro Ruibal et alii.
Notas
editar- ↑ 1,0 1,1 Base de datos de libros editados en España Ministerio de Educación, Cultura e Deporte.
- ↑ "Historia de Ir Indo". Arquivado dende o orixinal o 06 de xuño de 2014. Consultado o 06 de xuño de 2014.
- ↑ "Ir Indo celebra su quince aniversario con la publicación de «Galicia 2020»". La Voz de Galicia (en castelán). 21/12/2000.
- ↑ "Preséntanse en Compostela os dous últimos tomos da Enciclopedia Galega Universal" 6/4/2006, Consello da Cultura Galega.
- ↑ "Ir Indo pon na rede a Enciclopedia Galega Universal" 10/7/2008, Consello da Cultura Galega.
- ↑ Características Arquivado 06 de xuño de 2014 en Wayback Machine. do Dicionario de Galego Ir Indo.
Véxase tamén
editarBibliografía
editar- Artigo "EDICIÓNS IR INDO" da Gran Enciclopedia Galega Silverio Cañada
Outros artigos
editarLigazóns externas
editar- Ir Indo na páxina da Asociación Galega de Editores (vía Internet Archive)
- Bragado, Manuel (14/3/2011). "Os 25 anos de Ir Indo". Faro de Vigo.