Madrid

Madrid

Faidhle:Bandera de Madrid.svg
Bratach a' bhaile	Gearradh-arm no Seula

Suidheachadh

Dùthaich

An Spàinn

Ceàrn

Comunidad Autónoma de Madrid

Sgìre

Roinn Mhadrid

Co-chomharran

40° 25 Tuath
3° 42 Ear

Feartan fiosaigeach

Farsaingeachd

607 km²

Àireamh-shluaigh

3,233,054 (2007)

Dlùths

5,326.28/km²

Àireamh fòn

+34 91

Duilleag oifigeil

www.munimadrid.es

'S e prìomh-bhaile na Spàinn a tha ann am Madrid (IPA: maˈðɾɪ(ð)). Canar Madrileños ri muinntir a' bhaile. Tha an rìgh spainnteach a' fuireach an seo cuideachd. Tha am baile suidhichte ann am meadhan na Spàinn air bruach Abhainn Manzanares. 'S e am baile as motha den dùthaich agus an ceithreamh baile as motha den Aonadh Eòrpach. Tha am baile cliùiteach airson na taighean-tasgaidh, m.e.: Taigh-tasgaidh "Prado", Taigh-tasgaidh "Thyssen-Bornemisza" ann an Villahermosa Palace agus "Museo Nacional Centro de Arte Reina Sofía" le dealbhan anns an nos ùr. Tha Madrid aon-roinneil.

Cruinn-eòlas

Tha iadhtag ann, a bhuineas do Mhadrid, ann an ceann a tuath na roinne a-muigh Segovia. 'S e Dehesa de la Cepeda an t-ainm a tha air.^[1] Tha e na aite fa leth air sàilleabh gu bheil sliabh ann eadar an iadhtag sin agus an còrr dhen roinn. A rèir figearan an Riaghlatais, 's e an Lùnastal a' mhìos as teotha agus 's e am Faoilleach a' mhìos as fhuaire ann am Madrid.^[2] Cha tuit ach 421mm de dh'uisge air a' bhaile fad na bliadhna - 752mm nas lugha na Steòrnabhagh (1173mm) - leis gur e àite àrd, tioram a th' annː