堅尼地城
堅尼地城（以前寫堅彌地城，英文：Kennedy Town），係香港島西環最西面隻地方，行政上係歸中西區。
堅尼地城因為喺維多利亞城四環九約嗰西環裏面，所以亦都係維城一部份。命名以英王預準嗰第7任香港總督──堅尼地（Sir Arthur Edward Kennedy）[1]。
嗰區因為響市區邊邊，所以有電車同埋好多條巴士綫嘅總站，亦都有唔少小巴去九龍同埋港島其他地方。雖然嗰度啲車開得都算幾密，但係佢人口密度都算高，喺繁忙時間搭車可能都會有啲難、有啲慢。
政府嘅行政會議喺2005年6月通過地鐵開始規劃起西港島綫，條綫由上環向西伸延，經西營盤同大學去到堅尼地城，地鐵預計哩條綫會喺2011年完工，到時由堅尼地城去銅鑼灣大概要12分鐘[2]。
