Ciarán Cannon
![]() ![]() | |
Beathaisnéis | |
---|---|
Breith | 19 Meán Fómhair 1965 58 bliana d'aois Gaillimh, Éire ![]() |
![]() | |
8 Feabhra 2020 – Téarma parlaiminte: 33ú Dáil Toghcheantar: Gaillimh Thoir Toghadh i: Olltoghchán na hÉireann, 2020 | |
![]() | |
10 Márta 2016 – 14 Eanáir 2020 (díscaoileadh na parlaiminte) Téarma parlaiminte: 32ú Dáil Toghcheantar: Gaillimh Thoir Toghadh i: Olltoghchán 2016 in Éirinn | |
![]() | |
9 Márta 2011 – 3 Feabhra 2016 (díscaoileadh na parlaiminte) Téarma parlaiminte: 31ú Dáil Toghcheantar: Gaillimh Thoir Toghadh i: Olltoghchán na hÉireann 2011 | |
Seanadóir na hÉireann | |
24 Márta 2009 – 25 Feabhra 2011 Téarma parlaiminte: 23ú Seanad Éireann Toghcheantar: Baill ainmnithe de Sheanad Éireann | |
Seanadóir na hÉireann | |
23 Iúil 2007 – 24 Márta 2009 Téarma parlaiminte: 23ú Seanad Éireann Toghcheantar: Baill ainmnithe de Sheanad Éireann ![]() | |
Faisnéis phearsanta | |
Scoil a d'fhreastail sé/sí | Coláiste na Tríonóide, Baile Átha Cliath ![]() |
Gníomhaíocht | |
Gairm | polaiteoir ![]() |
Ball de pháirtí polaitíochta | Fine Gael (2009–) An Páirtí Daonlathach (–2009) ![]() |
![]() ![]() |
Is polaiteoir Éireannach é Ciarán Ó Canáin nó Ciarán Cannon. Bhí sé ina Teachta Dála do Fhine Gael i nGaillimh Thoir idir 2011-2024.[1][2]
Tréimhse sa Pháirtí Daonlathach
[cuir in eagar | athraigh foinse]Toghadh Cannon ina ionadaí tofa poiblí an chéad uair mar chomhairleoir contae i mBarda Locha Riach i gContae na Gaillimhe, i dtoghcháin áitiúla 2004. Sheas sé in Olltoghchán 2007 i nGaillimh Thoir ach theip air suíochán a bhaint amach, cé gur cheap an Taoiseach chun an tSeanaid é ina dhiaidh sin.
Bhí sé tofa mar cheannaire an Pháirtí Dhaonlathaigh ar 17 Aibreán 2008, in ionad Mháire Ní Áirne. D'éirigh leis an bua a fháil ar an Seanadóir Fiona O'Malley. Bhí sé ar an gcéad Seanadóir a toghadh mar cheannaire i stair an pháirtí.
![](http://upload.wikimedia.org/wikipedia/commons/thumb/b/b2/Ciaran_Cannon.jpg/220px-Ciaran_Cannon.jpg)
Fine Gael
[cuir in eagar | athraigh foinse]Ar an 24 Márta 2009 d'éirigh Cannon as na Daonlathaigh agus d'éirigh sé ina bhall de Fhine Gael. Bhí sé ina Teachta Dála do Fhine Gael i nGaillimh Thoir idir 2011-2024. Bhí sé ina Aire Sóisearach sa Roinn Oideachais 2011-2014. Ceapadh é mar Aire Sóisearach i nGnóthaí Eachtracha, 2017-2020.[3]
Ar 19 Márta 2024, d'fhógair Cannon nach raibh sé ag cur a ainm chun cinn sa chéad olltoghchán eile "mar gheall ar chomh nimhneach agus atá an pholaitíocht ar na saolta seo", nimhneas sa pholaitíocht sa lá atá inniu ann nach mbíodh ann scór blianta ó shin. "Níl aon duine dínn ag iarraidh go ndéanfaí dia beag dínn, ní theastaíonn uainn ach go gcaithfí linn go sibhialta agus go measúil, díreach mar a chaitear le daoine i bpoist eile", arsa sé.[2]
Bhí Cannon ina urlabhraí meán, ealaíon agus cultúir Fhine Gael ag an am. Thug ceannaire Fhine Gael, an Taoiseach Leo Varadkar, le fios go raibh Ó Canáin ar dhuine de na Teachtaí Dála ba dhíograisí i nDáil Éireann.[2]
Pearsanta
[cuir in eagar | athraigh foinse]Bíonn Cannon amuigh ag rothaíocht aon uair a fhaigheann sé an deis. in 2021, agus é tar éis turas mór millteach a chur i gcrích ó Chionn Mhálanna go Carn Uí Néid, (580 ciliméadar nó mar sin), chinn sé an turas sin a cheiliúradh le cuairt a thabhairt ar chara leis sa gClochán. Ach i Maigh Cuilinn, tharraing jíp amach agus chas sé ar dheis, díreach amach roimhe ar an mbóthar tríd an mbaile. Bhuail sé chomh láidir é gur ‘eitil’ an rothar os a chionn agus fágadh Ciaran ina chrap ar an mbóthar. D'fhan sé i dteanntán miotail go ceann ceithre mhí.[3] Tháinig biseach air agus ina oibrí dochloíte ar mhaithe le carthanacht.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "Cóip cartlainne". Cartlannaíodh an bunleathanach ar 2008-04-20. Dáta rochtana: 2008-06-15.
- ↑ 2.0 2.1 2.2 Nuacht RTÉ (2024-03-19). "Ciarán Cannon le n-éirí as an bpolaitíocht 'de bharr dhrochíde'" (as ga-IE).
- ↑ 3.0 3.1 Mairéad Ní Nuadháin (15 Iúil 2022). "‘Bhí Conamara agam dom féin amháin agus bhí sé go hálainn’ – Ciaran Cannon ar ais sa diallait" (ga-IE). Tuairisc.ie. Dáta rochtana: 2024-03-19.
Naisc sheachtracha
[cuir in eagar | athraigh foinse]- Ciarán Ó Canáin ar leathanach gréasáin an Pháirtí Dhaonlathaigh Curtha i gcartlann 2007-11-19 ar an Wayback Machine
- Stair thoghchánaíochta Chiaráin Uí Chanáin
![]() | Is síol faoi Oileán na hÉireann é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |