Laraing
 | |
| Sonraí | |
|---|---|
| Laidin | larynx |
| Cuid de | conair riospráide uachtarach |
| Aitheantóirí | |
| MeSH | D007830 |
| TA | A06.2.01.001 |
| FMA | 55097 : il-aiseach – ordlathach |
| Acmhainní seachtracha | |
| EB Online | science/larynx |
| Téarmaíocht anatamaíoch | |
An chuid den chonair riospráide i ndaoine idir an traicé thuas is an laraingeafaraing thíos is ea an laraing. Tá sí suite i lár an mhuiníl chun tosaigh.
Tugtar bosca an ghutha uirthi freisin, mar is inti atá téada an ghutha atá freagrach as fuaim a ghiniúint.
Creatlach loingeán atá inti, iad nasctha le chéile ag ballnaisc ach in ann bogadh i leith a chéile. Ceanglaíonn matáin í leis an gcnámh hiadach, agus mar sin gluaiseann sí suas nuair a shlogann duine siar. An cnap crua a ghobann amach i dtosach an mhuiníl, úll na scornaí, is cuid den loingeán tíoróideach é.
Feidhmíonn an laraing mar chomhla chun bac a chur ar bhia is deoch dul isteach sna haerphasáistí faoina bun. Muna ndéantar é sin, tachtann duine agus díbrítear an t-ábhar.
Ról aici i rialú dhíbirt an aeir as na scamhóga trí fhairsinge an ghlotais a athrú. Is cinnte go ndéanann sí airdí fuaimeanna a athrú trí fhad is teannas théada an ghutha a athrú. Bíonn an guth fireannach níos toille ná an guth baineannach de bhrí go mbíonn an laraing níos mó is na téada níos faide aige.[1]
Tagairtí
[cuir in eagar | athraigh foinse]- ↑ Hussey, Matt (2011). "Laraing". Fréamh an Eolais. Coiscéim. p. 395.
 | Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir. |
 | Is síol anatamaíochta é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |