Declarazion universâl dai dirits dal om: diferencis tra lis versions
p r2.7.1) (Robot: o zonti: ps:د بشري حقونو نړېواله اعلاميه |
p r2.7.1) (Robot: o zonti: ie:Universal Declaration del Jures Homan |
||
Rie 63: | Rie 63: | ||
[[ia:Declaration Universal del Derectos Human]] |
[[ia:Declaration Universal del Derectos Human]] |
||
[[id:Pernyataan Umum tentang Hak-Hak Asasi Manusia]] |
[[id:Pernyataan Umum tentang Hak-Hak Asasi Manusia]] |
||
[[ie:Universal Declaration del Jures Homan]] |
|||
[[io:Universala Deklaro di Homala Yuri]] |
[[io:Universala Deklaro di Homala Yuri]] |
||
[[is:Mannréttindayfirlýsing Sameinuðu þjóðanna]] |
[[is:Mannréttindayfirlýsing Sameinuðu þjóðanna]] |
Revision dai 1 di Zen 2012 a lis 09:40
![](http://upload.wikimedia.org/wikipedia/commons/thumb/8/85/Eleanor_Roosevelt_and_Human_Rights_Declaration.jpg/250px-Eleanor_Roosevelt_and_Human_Rights_Declaration.jpg)
La Declarazion universâl dai dirits dal om al è un document firmât a Parîs in France ai 10 di Dicembar 1948 e promovude dal ONU, che sburtà par fâle ricognossile e aplicâle in ducj i paîs dal mont.
Storie e disvilups
Vignude fûr daspò dai crimins e des atrocitâts avignudis inte Seconde Vuere Mondiâl, la Declarazion e fâs part dai documents fondamentâi pal ONU, insieme cul Statût inmaneât tal 1945. Di fat, al è un codiç etic di grandone impuartance, parcè che al è il prin document inte storie dal om che al specifiche i dirits di ogni persone, cence distinzions di paîs o di religjon. Al è duncje il pont finâl di secui di discussion filosofichis su etiche e dirits, al cuâl a 'nd àn cjapât peraule personaçs filosofs come John Locke, Jean-Jacques Rousseau, Voltaire, Immanuel Kant, e lât indevant fin ae etât contemporanie; une grande influence e ven ancje de Declarazion dai dirits dal om e dal citadin, inmaneade tal 1789 dilunc la Rivoluzion francese e i cui elements principâi a son stâts includûts in cheste cjarte. Altre ispirazion e je vignude dai Cutuardis ponts di Wooodrow Wilson (1918) e i cuatri pilastris des libertâts enunciâts inte Cjarte Atlantiche di Franklin D. Roosevelt e Winston Churchill intal 1941. Daspò di cheste Declarazion a son rivâts il Pat internazionâl sui dirits economics, sociâi e culturâi e il Pat internazionâl sui dirits civîi e politics, prontâts de Comission pai dirits dal om e adotâts dal ONU ai 16 di Dicembar 1966. La Declarazion e je la base di un grum des concuistis civîls inte seconde metât dal XX secul, e la base ideâl de Cjarte dai dirits fondamentâi de Union Europeane che e je il fondament de Costituzion Europeane.
Struture de declarazion
La declarazion e je componude di un preambul e trente articui che a afermin i dirits individuai, civîi, politics, economics, sociâi e culturâi di ogni om. La declarazion a pues jessi dividude par argoments: il preambul al elenche lis causis storichis e sociâls che a àn puartât ae necessitât di vê di un document di chest gjenar; i articui 1 e 2 a stabilissin i concets di base di libertât e avualiance (tornâts a cjapâ di chei tirâts fûr inte Rivoluzion francese); i articui dal 3 fintremai al 11 a stabilissin i dirits individuâi; i articui 12-17 a stabilissin i dirits di un om tai confronts de comunitât; i articui 18-21 a esprimin chês che di solit a son clamadis "libertâts costituzionâls", ven a stâi libertâts di pensîr, opinion, fede e cussience, peraule, associazion pacifiche. I articui 22-27 a presentin i dirits economics, sociâi e culturâi; par finî, i articui 28-30 a stabilissin lis modalitâts gjenerâls di ûs di chescj dirits e dulà che no si pues aplicâju.