Cjale il codiç di Canadà

== Culture ==

=== Sproc ===
Il sproc dal Canadà al è ''a mari usque ad mare'' (dal [[Lenghe latine|latin]]: ''di un mâr a di chel altri'') par vie che il paîs si slargje di un «mâr» (l'[[Ocean Atlantic]]) a di chel altri (l'[[Ocean Pacific]]). Chest sproc al è une locuzion tirade fûr de [[Vulgata]] (Salms 72:8), version de [[Biblie]] par latin curade di [[Sant Jaroni]].

=== Bandiere ===
[[Figure:Canada_steme.png|thumb|La bandiere canadese|alt=|sinistra]]La bandiere dal Canadà, alçade su la Culine dal Parlament a [[Ottawa]] par la prime volte tal 1965<ref>{{cite web|url=https://www.canada.ca/fr/patrimoine-canadien/services/drapeau-canada-histoire.html|title=Histoire du drapeau national du Canada|publisher=Guvier dal Canadà. Consultât ai 11 Avost 2018}}</ref>, e je rosse cuntun cuadrât blanc tal mieç. Sul cuadrât blanc e je rapresentade une fuee di [[aier|aiar]] rosse cun undis ponts.

Il centri blanc, carateristic de bandiere dal Canadà, al ven clamât ''bande canadese''. Cheste bande e jemple la metât de largjece dal cjamp impen de tierce part, come di solit tes bandieris tricolôrs.

L'ûs de fuee di aiar al va indaûr ai timps de [[Gnove France]], cuant che i abitants de cheste colonie le adotarin come il lôr simbul.

=== Sport ===
Il Canadà al à doi sports uficiâi: l'[[hockey su la glace]] (sport nazionâl di Invier) e il [[lacrosse]] (sport nazionâl di Istât).

==== Hockey su la glace ====
[[Figure:Plekanec 08.jpg|miniatura|Tomáš Plekanec cui Canadiens di Montréal]]
L'hockey su la glace al è il sport plui populâr tal paîs, che i canadês, tant par inglês che par francês, lu clamin dome ''hockey.'' La [[Leghe nazionâl di hockey]] e fo fondade a Montréal.

==== Lacrosse ====

=== Furlans ===
In Canadà al è presint un grant numar di emigrants furlans. A son presints sedis<ref>{{cite web|url=http://www.fogolarsfederation.com/index.php/fogolars-of-canada|title=Fogolârs dal Canadà|publisher=Federazion dai Fogolârs dal Canadà. Consultât ai 11 Avost 2018}}</ref> [[Fogolârs Furlans]].