Anɔ̌ savɛ tɔn lɛ
Anɔ Savɛ tɔn lɛ (Oké cabɛ), nyi nu sɔ nu tutomɛ sɔnunyɔwadɔkun tɔgbo mǐtɔn lɛ tɔn wɛ un ɖe. Un yi kan nu e zɔn bɔ e nɔ́ yɔlɔ Savɛ toxo ɖɔ toxo anɔ atɔnnɔ e byɔ mɛxo nukunɖeji ɖokpo. Nunywɛntɔ byɔ mi ɖɔ nyɛ n'i ɖisa gbɔn Savɛ so lɛ ji bo tɛnkpɔn bo xa so'ta e ci anɔ ɖɔhun ɔ. Un yi so lɛ ji nugbo, bo lɛkɔ wa Nunywɛtɔ̌ɔ gɔn bo ɖɔ n'i ɖɔ so'ta e ci anɔ ɖɔhun ɔ ɛnɛ wɛ un xado. Nunywɛtɔ̌ɔ yixo bo ɖɔ : «enyiɖɔ mɛlɛ nɔ́nɔ̀ Kutɔnu alo jɔmɛhun mɛ kpodo nuwlankpo kpodo wema kpan alɔnú bo nɔ wlan hwenuxo Savɛ tɔn, ye sixu ɖɔ bo wlan ɖɔ Savɛ toxo anɔ atɔnnɔ wɛ. E gbǎ toxo ɔ do anɔ nyɔnu ɖokpo adaɖe (1/2) tɔn ji a, lo ɔ nyɔnu we sin anɔ kɔn wɛ e gbǎ dǒ. Kunkan ayɔnu (Yoruba) lɛ tɔn ɔ ko nɔ lintamɛ do nusacɔ, nudɔnmɛ ɖo nukunta wu bo nɔ sɔnu tɔn.» E na ɖɔ́ɔ toxo hunnukun Cabɛ̀-Idadù tɔn ɔ e gbǎ do só e ci anɔ ɖɔhun bo ɖo kpò ɛnɛ (04) ɖo aga. E nyi mi kpannukɔn anɔ nɛ lɛ ɔ bo xa ɔ sin amyɔmɛ ɔ, jɛnukɔn ɔ, mi na mɔ anɔ e nɔ ylɔɖɔ Aboyun kó guù e, tinmɛ tɔn ɔ wɛ nyǐ nyɔnu e ɖo xo e sixu xaji ǎ. Wegɔɔ Ina Cabɛ̀ tinmɛ tɔn ɔ wɛ nyǐ Nɔ Cabɛ̀ tɔn. Atɔngɔɔ Akafó, fi e anɔ xiɖi ɖe ganji e ɖie. Ɛnɛgɔɔ Ǒoni-popo bɔ tinmɛ tɔn ɔ wɛ nyǐ Ayi Ɔmɔ ǒoni-popo lɛ tɔn. Hwenuxo ɔ ɖɔ nu mǐ ɖɔ mɛ e do Grand-Popo toxo ɔ wa lɛ ɔ zan gbɛ yetɔn ɖo Ǒoni-popo
- Ɔmɔ_Cabɛ̀
- Centre_de_Recherche_Agbaakìn
- Personnes_Ressources