Vincent Mensah
Vincent Mensah, b'ɛ ji i ɖo azǎn afɔtɔn nukun ɛnɛ gɔ ɔ (19) Lidosùn xwè 1924 tɔn mɛ ɖo Kutɔnu ɔ, nyi yɛhwenɔgán Igléjá Katolika tɔn ɖo Benɛɛto mɛ.
É nyi yɛhwenɔgán yɛhwenɔxwédo Xɔgbonu tɔn ɖo xwè 1970 tɔn yi jɛ xwè 2000 tɔn mɛ.
Gbɛ tɔn
Ee kplɔn wéma ɖo yɛhwenɔkpamɛ gudo ɔ, é sɔ'ɛ yɛhwenɔ ɖo azǎn kǒ nukun ɖokpo gɔ ɔ (21) woosùn xwè 1952 tɔn mɛ. É yi kunuɖéwéma kplɔnyiji alavɔtɛn tɔn é ylɔ ɖɔ Licence é ɖo nǔ é kan mawuxoɖiɖo li'jí é kpodo kunuɖéwema Doctorat tɔn kpo, ɖo sɛn ě kan sinsɛn Igléjá Katolika tɔn é mɛ. Ee lɛkɔ sin romatimɛ wa benɛɛtomɛ ɔ, é w'azɔ ɖo yɛhwenɔxwédo Kutɔnu tɔn kpodo Agbomɛ tɔn kpo.
É sɔ'ɛ mɛsi wémakplɔmɛtɔ ɖo yɛhwenɔkpa ɖaxo Saint-Gall Glexwé tɔn, b'ɛ lɛ nyi gán é nn o kpénukun do wémaxɔmɛ Igléjá Katolika tɔn lɛ lobo nyi yɛhwenɔ ɖo sinsɛnxwé Saint Michel Kutɔnu tɔn ɖo xwè 1965 tɔn mɛ yi jɛ xwè 1970 tɔn mɛ. Mɔɖokpo ɔ, é lɛ nyi gán nu hwɛɖɔgbasá Igléjá Katolika tɔn ɖo Kutɔnu lobo lɛ nyi gán nu nyɔnu gbɛta Saint-Augustin.
Yɛhwenɔgán'zɔ tɔn
Ɖo azǎn kǒ nukun ɖokpo gɔ ɔ (21) Zoosùn xwè 1970 tɔn mɛ ɔ, yɛhwenɔgán papa Paul VI sɔ'ɛ yɛhwenɔgán yɛhwenɔxwédo Xɔgbonu tɔn lobɔ yɛhwenɔgán Paul Zoungrana, Bernadin Gantin kpodo Robert-Casimir Dosseh-Anyron kpo sɔ'ɛ jijɔn azinkpo ɔ jí ɖo sinsɛnxwé ɖaxo Notre-Dame de l’Immaculée-Conception Xɔgbonu tɔn mɛ.
Ɖo azǎn afɔtɔn nukun atɔn gɔ ɔ (18) Ayidosùn xwè 2000 tɔn mɛ, ɖo xwè tɔn kanɖé gban atɔɔn nukun atɔn gɔ ɔ (75) mɛ, é byɔ gbɔjɛ lobo saxwé nyi Agoué.