Pseudovísindi

Eitisvísindi ella pseudovísindi (pseudo- úr grikskum, falskt) eru evni, sum verða førd fram, sum um tey hava grundarlag í vísindaligum arbeiðslagi, men ikki hava tað.

Eyðkenni

At pseudovísindi ikki brúkar vísindaligt arbeiðslag kann vísa seg á ymiskan hátt, t.d. við at hava eitt ella fleiri av hesum eyðkennum:

• Veikleikar, trot uppá definitiónir, trot uppá neyvleika, so uppáhald illani kunnu roynast við kanningum.
• Arbeiðið søkir ikki ta frágreiðingina, sum krevur fæstar fortreytir (rakiknívur Ockhams).
• Mótstøða móti at royna uppáhaldini eftir veriligum visindaligum arbeiðshættum.
• Brúka vísindaligt mál misvísandi ella skeivt.
• Selektiv nýtsla av próvtilfari, ov stór vekt á einkulttilburðir.
• Uppáhaldini eru av slíkum slagi, at tey kunnu ikki falsifiserast.
• Øvugt próvførsla (tað, at eitt uppáhald ikki kann mótprógvast, verður tikið sum prógv fyri uppáhaldinum).
• Søkir ikki menning, broyting ella framstig innan økið.