Xabier Silveira
Xabier Silveira | |
---|---|
![]() Xabier Silveira, berdez, Santutxuko jaietan (2007) | |
Bizitza | |
Jaiotza | Lesaka, 1976ko azaroaren 1a (47 urte) |
Herrialdea | ![]() |
Hezkuntza | |
Hizkuntzak | euskara gaztelania |
Jarduerak | |
Jarduerak | bertsolaria eta idazlea |
Genero artistikoa | olerkigintza |
Xabier Silveira Etxeberria (Lesaka, Nafarroa, 1976ko azaroaren 1a) nafar bertsolaria da. Nafarroako Bertsolari Txapelketa zazpi aldiz irabazi du, beste inork baino gehiagotan.
Ibilbidea
[aldatu | aldatu iturburu kodea]![](http://upload.wikimedia.org/wikipedia/commons/thumb/e/e9/1992-Xabier_Silveira.jpg/220px-1992-Xabier_Silveira.jpg)
1997, 2004, 2005, 2006, 2007, 2009 eta 2013ko Nafarroako txapelketak irabazi zituen. 2008 eta 2010eko txapelketan ez zuen parte hartu, eta 2011koan bigarren bukatu zuen, Julio Sotok baino 5 puntu gutxiago lorturik. Euskal Herriko Eskolarteko Txapelketa irabazi zuen 1994an Maialen Lujanbioren aurretik.
Estiloa
[aldatu | aldatu iturburu kodea]Estilo probokatzailea dauka: inoiz, epaimahaikoen aurka bertsoak bota ere egin ditu esaterako, eta hainbatetan ez dio kasurik egin gai jartzaileak jarritako hizpideari. Jarrera horretan eta gainerako bertsolariekin nahiz ikus-entzuleekin noizbehinka duen jokabidean errespetu falta ikusten duenik bada.[1][2][3] 2009ko Bertsolari Txapelketa Nagusian, Silveirak kartzelako gaian hiru poto egin zituen, eta bildutako puntu kopurua nabarmen jaitsi zion horrek (bigarren izatetik, bosgarren izatera igaro zen). Haserre, oholtzatik jauzi egin zuen Silveirak.[4] Silveirak barkamena eskatu zien bertsokideei, entzuleei, epaileei, antolatzaileei «eta denei».[5]
Gara egunkariaren iritzi orrialdeetan «Jo puntua» izeneko zutabea idazten du astero, batzuetan euskaraz, bestetan gaztelaniaz, beti probokatzaile.
Lorpenak
[aldatu | aldatu iturburu kodea]Txapelketak
[aldatu | aldatu iturburu kodea]- Nafarroako Eskolarteko Bertsolari Txapelketa:
- Txapelduna (2): 1993 eta 1994
- Euskal Herriko Eskolarteko Bertsolari Txapelketa:
- Txapelduna (1): 1994
- Nafarroako Bertsolari Txapelketa:
- Bertsolari Txapelketa Nagusia
Sariak
[aldatu | aldatu iturburu kodea]- Xalto Saria (1): 1995
Zaharrak Berri Xou
[aldatu | aldatu iturburu kodea]Zaharrak Berri Xou bertso saio berezietan hartu zuen parte Fredi Paia eta Jokin Urangarekin batera.
Eleberriak
[aldatu | aldatu iturburu kodea]2007an, A las ocho en el Bule eleberria argitaratu zuen Txalaparta argitaletxearekin eta 2011n horren jarraipena den A las nueve en el Faisán. Bi liburu hauek gaztelaniaz idatzi izanak polemika sortu zuen euskaltzaleen artean.[6][7][8][9]
Erreferentziak
[aldatu | aldatu iturburu kodea]- ↑ Alfontso MUJIKA: «Jasamenaren langa gorago jaso ezinda nagok, Silveira»[Betiko hautsitako esteka], Berria, 2010-02-03.
- ↑ Ixa LARRAZABAL: «Mujika eta Silveiraren arteko eztabaida publikoa», ZuZeu, 2010-02-05.
- ↑ «Joxe Agirre, BECeko oholtzatik Orkatzekora», Uztarria.com, 2010-02-06.
- ↑ «Xabier Silveiraren potoak eta haserrea», Sustatu, 2009-10-19.
- ↑ «Xabier Silveirak barkamena eskatu du», Gara, 2009-10-20.
- ↑ Koldo IZAGIRRE: «Le train express Durkheim-Castejón», Bazka, 2007-12-13.
- ↑ Xabier SILVEIRA: «Euskaraz bada ere», Gara, 2007-12-21.
- ↑ Juanjo OLASAGARRE: «A las cuatro»[Betiko hautsitako esteka], Deia, 2008-01-12.
- ↑ Alberto BARANDIARAN: «Xabier Silveirak eta Mariasun Landak gaztelaniaz idatzi izanak eztabaida piztu du Interneten»[Betiko hautsitako esteka], Berria, 2008-01-08.
Kanpo estekak
[aldatu | aldatu iturburu kodea]- (Gaztelaniaz) Silveiraren bloga
- Bertsozale.com; Xabier Silveira