Tancredo Neves
Tancredo Neves (São João del Rei, Minas Gerais, 1910eko martxoaren 4a - São Paulo, 1985eko apirilaren 21a) brasildar politikari bat izan zen.
Belo Horizonteko Unibertsitatean zuzenbideko doktoregoa eskuratu zuen. Katoliko sutsua zen, eta bere karrera politikoa eten egin zuen 1937-1945 bitartean, Getúlio Vargasen diktaduraren garaian. Baina ondoren, alderdi sozial-demokratarekin bat egin zuen erregimenaren demokratizazioaren garaian. 1947an diputatu hautatu zuten, eta handik bi urtera Justiziako ministro. 1954an Vargas presidentea lagundu zuen bere burua hil aurreko orduetan eta agintari sozialistaren oinordeko politikotzat hartu zuten. Tancredo Neves João Goulart presidentearen Lehen Ministro bihurtu zen 1961ean. Militarren mendeko agintaldian (1964-1984) Brasilgo higikunde demokratikoaren diputatu izan zen (oposizioko alderdia, legez onartu zen bakarra) eta Minas Gerais estatuko gobernadore izendatu zuten 1982an. Demokratizazioaren garaian, Errepublikako lehendakari hautatu zuten 1985ean, baina urte horretan bertan hil zen.
Erreferentziak
[aldatu | aldatu iturburu kodea]![]() |
Wikimedia Commonsen badira fitxategi gehiago, gai hau dutenak: Tancredo Neves ![]() |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.