Arte Ederren Goi Eskola Nazionala (Paris)

Arte Ederren Goi Eskola Nazionala (Paris)
École nationale supérieure des beaux-arts
Irudi gehiago
Kokapena
Koordenatuak	48°51′25″N 2°20′00″E
Historia eta erabilera
Irekiera	1797ko apirilaren 20a
Webgune ofiziala

Parisko Arte Ederren Goi Eskola Nazionala (frantsesez École nationale supérieure des beaux-arts edo ENSBA), baita ere "Beaux Arts de París" izenarekin ezaguna, nazioarteko mailan prestigioa duen arte-eskola unibertsitarioa da. Parisen kokaturik dago, 6. barrutian.

Unibertsitate publikoa da. Jatorrian Parisko École des Beaux-Arts zen. Lehen lau arte eder erakusten ziren: margolaritza, eskultura, grabatu eta arkitektura. 1968an, André Malraux Kultura Ministroa izanik, zortzi UPA edo "unités pédagogiques d'architecture" sortu zituen Frantzia osoan eta horrekin arte-disziplinen batasuna puskatu zuen. Geroztik, zortzi UPA horiek Arkitektura Goi Mailako Eskola Nazionalak edo ENSA bihurtu dira.

Arte bilduma

Instituzio honek oso ondare artistiko handia du, 450.000 pieza baino gehiago. Lan horiek jatorri desberdinetatik heldu dira instituzio honetara: emaitzak, Prix de Rome sariaren irabazleen lanak, aspaldiko Errege Akademien ondareak... Margolanen artean, bakarrik, 2.000 inguruko lanak gordetzen ditu, tartean Poussin, Van Dyck, Rigaud, Fragonard eta Ingres mailako margolarienak. Marrazkiak 20.000 baino gehiago dira, tartean Durero, Michelangelo, Veronese, Pontormo, Primaticcio, Rubens, Fragonard, Delacroix eta beste askoren lanak. Gainera 100.000 grabatu, arkitekturako 45.000 diseinu, 75.000 argazki, 65.000 liburu... Liburutegian, 3.500 liburu XV. eta XVI. mendekoak.

Ikasle ospetsuak

• Antoine Bourdelle, eskultorea.
• Bernard Buffet, margolaria.
• François Brunet de Baines, arkitektoa.
• Olivier Debré, margolaria.
• Joann Sfar, marrazkilaria eta komikien gidoigilea.
• Roland Topor, margolaritza.
• Joseph Carré, arkitekto eta irakaslea.
• Andrey Lekarski, margolari eta eskultorea.
• Mario Pani, arkitektoa.
• Nicolás Montenegrokoa, arkitektoa, Montenegroko printzea.

Galeria

• 
  Jauregiaren erdigunea.
• 
  Nicolas Poussin bustoa sarreran.
• 
  Eskolaren planoa.
• 
  Barruko patioa.
• 
  Sarrera Bonaparte kaletik.

Informazio praktikoa

• Helbidea: 14 Rue Bonaparte, 75006 Paris, Frantzia
• Geltokia: Saint-Germain-des-Prés

Kanpo estekak

Wikimedia Commonsen badira fitxategi gehiago, gai hau dutenak: Arte Ederren Goi Eskola Nazionala (Paris)

• (Frantsesez):ENSBAren ondarea. Eraikuntzak.
• (Frantsesez):ENSBAren ondarea. Bildumak.

• Datuak: Q273593
• Multimedia: Beaux-Arts de Paris / Q273593