Hego Afrikako lehoi

Hego Afrikako lehoi
	Irudi gehiago
Sailkapen zientifikoa
Klasea	Mammalia
Ordena	Carnivora
Familia	Felidae
Generoa	Panthera
Espeziea	Panthera leo
Azpiespeziea	Panthera leo krugeri; Roberts, 1929

Hego Afrikako lehoia edo Transvaalgo lehoia (Panthera leo krugeri) basabizitzan dirauen lehoi azpiespezierik handi eta mardulenetarikoa da.

Arren pisua 180-200 kilo artekoa da batez beste, baina 220 kiloak gainditzen dituzten arrak sarritan aurki daitezke. Ehizatutako arrarik handiena 300 kilo inguru pisatu zuen (1936. urtean ehizatutakoa), hortik beherago dauden pisu eta tamaina erraldoiak ere ezagutu dira, adibidez 251 eta 272 kiloko ar bi. Emeek 120-150 kilo artean pisatzen dute, batezbesteko pisua 130 kilo inguruan izanik.

Melanismo kontuengatik azpiespezie honetan beste azpiespezietan baino lehoi zuri gehiago zenbatu izan dira, Hego Afrika lehoi zuri kopuru gehien duen herrialdea izanik.

Afrikako hegoaldeko lau herrialdetatik hedatzen da azpiespezie hau, Hego Afrika (Kruger Parke Nazionalak biltzen du azpiespezie honetako populaziorik handiena), Suazilandia, Zinbabue eta Mozanbiketik zehar hain juxtu ere.