Aitor Elordi
Elordi | ||||
---|---|---|---|---|
Elordi, 2016an | ||||
Izen osoa: | Aitor Elordi Txakartegi | |||
Jaiotza data: | 1996ko martxoaren 23a (28 urte) | |||
Jaioterria: | Mallabia (Bizkaia) | |||
Pilotaria | ||||
Modalitatea: | esku huskako pilota | |||
Egungo enpresa: | Aspe | |||
Postua: | aurrelaria | |||
Altuera: | 1,82 m | |||
Pisua: | 77 kg | |||
Debutatze data: | 2016ko urtarrilaren 3a | |||
Debutatze pilotalekua: | Astelena (Eibar) |
Aitor Elordi Txakartegi, pilota arloan Elordi deituraz ezaguna (Mallabia, Bizkaia, 1996ko martxoaren 23a) esku huskako pilotari profesionala da. Aurrelari aritzen da, Aspe enpresarekin.[1] Erasoko joko bikaina du, eskuin bolea eta ezker gantxoa ederki baitarabiltza. 2016ko urtarrilean profesionaletan debutatu ondoren, 2022ko uda bukatu arte maila apaleneko partidak jokatzen aritu zen. Pixkanaka eta lan asko eginda, ordea, bere defentsako jokoa —bereziki— eta erasokoa ere hobetu zituen, eta 2022/2023 denboraldian hiru txapelketa nagusiak jokatzeko aukera eman zioten: Lau eta Erdiko Pilota Txapelketa Nagusian hirugarren izan zen; Zabaleta atzelariarekin batera, Binakako Pilota Txapelketa Nagusia irabazi zuen; eta, ordezko gisa sartu ondoren, esku huskako pilotako titulu guztietan gorena ere irabazi zuen, buruz burukoa.[2][3]
Ibilbidea
[aldatu | aldatu iturburu kodea]2019an bigarren mailako binakako txapelketa irabazi zuen, Oier Etxebarria atzelaria lagun.[4] Bitan izan da bigarren mailako buruz buruko txapeldunorde: 2019an eta 2020an. 2023an, Esku Huskako Binakako Pilota Txapelketa Nagusia irabazi zuen, Zabaleta atzelaria lagun, txapelketa hori jokatzeko eman zioten lehenengo aukeran. Buruz buruko txapela bereganatu zuen 2023ko ekainaren 4an.[5]
Kirol lorpenak
[aldatu | aldatu iturburu kodea]- 2023ko buruz buruko txapelduna.
- 2023ko binakako txapelduna, Zabaleta atzelaria lagun.
- 2020ko bigarren mailako buruz buruko txapeldunordea.[6]
- 2020ko bigarren mailako lau eta erdiko txapelduna.
- 2019ko bigarren mailako esku huskako txapeldunordea.
- 2019ko bigarren mailako binakako txapelduna, Oier Etxebarria atzelaria lagun.[4]
Buruz Buruko Pilota Txapelketa Nagusiko finalak
[aldatu | aldatu iturburu kodea]Urtea | Txapelduna | Txapeldunordea | Tantoak | Pilotalekua |
---|---|---|---|---|
2023 | Elordi | Altuna III.a | 22-18 | Bizkaia |
Binakako Txapelketa Nagusiko finalak
[aldatu | aldatu iturburu kodea]Urtea | Txapeldunak | Txapeldunordeak | Tantoak | Pilotalekua |
---|---|---|---|---|
2023 | Elordi - Zabaleta | Laso - Imaz | 22-13 | Nafarroa Arena |
Bigarren mailako buruz buruko txapelketako finalak
[aldatu | aldatu iturburu kodea]Urtea | Txapelduna | Txapeldunordea | Emaitza | Pilotalekua |
---|---|---|---|---|
2019 | Darío | Elordi | 22-12 | Labrit |
2020 | Arteaga II.a | Elordi | 22-12 | Beotibar |
Bigarren mailako lau eta erdiko txapelketako finalak
[aldatu | aldatu iturburu kodea]Urtea | Txapelduna | Txapeldunordea | Emaitza | Pilotalekua |
---|---|---|---|---|
2020 | Elordi | Egiguren | 22-05 | Beotibar |
Bigarren mailako binakako txapelketako finalak
[aldatu | aldatu iturburu kodea]Urtea | Txapelduna | Txapeldunordea | Emaitza | Pilotalekua |
---|---|---|---|---|
2019 | Elordi - O. Etxebarria | Agirre - Salaverri | 22-20 | Labrit |
Amateurretan
[aldatu | aldatu iturburu kodea]- Bergara Hiria Torneoko txapelduna
- Josetxo Etxandiren Oroimenezko Torneoko (Lezo) txapelduna
- Kluben arteko Euskal Herriko Txapelketako txapelduna
Erreferentziak
[aldatu | aldatu iturburu kodea]- ↑ (Gaztelaniaz) «El pelotari mallabitarra Aitor Elordi debutará con Aspe el 3 de enero en el Astelena» Mugalari 2015-12-18.
- ↑ Etxeberria, Julen. (2023-06-06). «Aitor Elordik ametsetan jarraitzen du» Berria (Noiz kontsultatua: 2023-06-06).
- ↑ Zabala Gandarias, Ibai. (2023-06-06). «Langile klasearen txapela» Berria (Noiz kontsultatua: 2023-06-06).
- ↑ a b Ormazabal, Jon. (2019-03-30). «Agonia kanpaiei entzungor eginda, Elordi-Etxebarriarentzat Promozioko txapelak (20-22)» Naiz (Noiz kontsultatua: 2019-04-02).
- ↑ Eskudero, Jon. (2023-06-05). «Elordi txapeldun» Berria (Noiz kontsultatua: 2023-06-05).
- ↑ (Gaztelaniaz) «Arteaga II aparta de la txapela a Elordi» Noticias de Navarra 2020-11-29 (Noiz kontsultatua: 2020-12-01).
Kanpo estekak
[aldatu | aldatu iturburu kodea]
![]() |
Artikulu hau Bizkaiko biografia baten zirriborroa da. Wikipedia lagun dezakezu edukia osatuz. |