Edukira joan

Pauline Gracia Beery Mack

Wikipedia, Entziklopedia askea
Pauline Gracia Beery Mack

Bizitza
Jaiotzako izen-deiturakPauline Gracia Beery
JaiotzaNorborne, 1891ko abenduaren 19a
Herrialdea Ameriketako Estatu Batuak
HeriotzaDenton, 1974ko urriaren 22a (82 urte)
Hobiratze lekuaCentre County Memorial Park (en) Itzuli
Familia
Ezkontidea(k)Warren Mack (en) Itzuli
Hezkuntza
HeziketaColumbia Unibertsitatea 1919) master : kimika
Pennsylvaniako Estatu Unibertsitatea 1932) Doktoretza : kimika
Missouri State University (en) Itzuli 1913) gradu : kimika
Hizkuntzakingelesa
Jarduerak
Jarduerakkimikaria
Enplegatzailea(k)Pennsylvaniako Estatu Unibertsitatea  (1919 -  1952)
Texas Woman's University (en) Itzuli  (1952 -  1973)
Jasotako sariak
Find a Grave: 90898691 Edit the value on Wikidata

Pauline Gracia Beery Mack (Norborne, 1891ko abenduaren 19a - Denton, 1974ko urriaren 22a) estatubatuar kimikaria, etxeko ekonomialaria eta unibertsitateko administratzailea izan zen.[1] 1930eko hamarkadan kaltzioari, nutrizioari, erradiazioari eta hezur-dentsitateari buruzko ikerketa hasi zuen, eta hirurogeita hamar urte zituela NASArentzat lan egin zuen.[2][3]

Biografia

[aldatu | aldatu iturburu kodea]

Pauline Beery Norbornen jaio zen, Missourin. Kimikan lizentziatu zen Missouriko Unibertsitatean (1913).[4] Lehen Mundu Gerran, Beeryk zientziak irakatsi zituen Missouriko bigarren hezkuntzako eskola batean, bere graduondoko lanetara itzuli aurretik. Kimikan maisutza lortu zuen 1919an Columbiako Unibertsitatean. 1932an, 40 urte zituela, doktore-lana amaitu zuen Pennsylvaniako Estatu Unibertsitatean.[5]

Pauline Beery Warren Bryan Mack botanikari eta grabatzailearekin ezkondu zen 1923ko abenduan.[6] Bikoteak bi seme-alaba izan zituen, Oscar eta Anna.[3] Alargun geratu zen 1952an. 1973an erretiratu zen ikerketatik, osasun arazoen ondorioz, eta hurrengo urtean hil zen, Dentonen (Texas).[7]

Ibilbidea

[aldatu | aldatu iturburu kodea]

Pauline Beeryk kimika irakatsi zuen Pennsylvaniako Estatu Unibertsitateko etxeko ekonomiako programan 1919tik aurrera.[8] 1941ean, unibertsitate horretako Ellen H. Richards Institutuko zuzendari izendatu zuten.[9] 1950ean, kaltzioa, nutrizioa eta hezur-dentsitatearen neurketari buruzko bere lana American Chemical Society-ren Francis P. Garvan domina batekin aitortu zen.[1][10][11]

Bere lan nagusia nutrizioa eta fisiologia izan baziren ere, ehunez, detergenteez eta tindagaiez ere arduratu zen. Pennsylvaniako Garbitegien Jabeen Elkarteko aholkulari teknikoa izan zen, eta Pennsylvaniako Garbitzaileen eta Tindatzaileen Elkarteko arauen kodea garatzen lagundu zuen.[1]

Mack oparoa izan zen argitalpenetan Penn Staten eman zituen urteetan, besteak beste, Chemistry Applied to Home and Economy (1926), Stuff: The Science of Materials in the Service of Man (New York: Appleton, 1930), Colorfastness of Women's and Children's Wearing-Apparel Fabrics (American Home Economics Association, 1942) eta Calories Make a Difference: Report of Studies on Three Groups of Children (Sugar Research Foundation, 1949). Chemistry Leaflet, Science Service-k argitaratutako aldizkaria ere sortu eta argitaratu zuen.[12]

Bere azken urteetan, Texas State College for Women delakoaren College of Household Arts and Sciences-en dekano izan zen, eta bertan, hamarkada batez administratzaile gisa oso ondo finantzatutako eta errespetatutako ikerketa-programa bat garatu zuen (1952-1962).[3][13] 70 urterekin, administraziotik erretiratu zen ikerketa-zuzendari izateko, eta, batez ere, NASAren dirulaguntzekin lan egin zuen, grabitaterik ezak hezur-dentsitateari nola eragin ziezaiokeen ikertzeko.[1][3][14][15] Bere lanak eragin horiek arintzeko erabiltzen den dieta bat sortu zuen. Bere bikaintasun profesionalagatik Silver Snoopy saria jaso zuen lehen emakumea izan zen.[16]

Legatua

[aldatu | aldatu iturburu kodea]

Pauline Gracia Beery Macken artikuluak Women's Collection Archives, Texas Woman's University, Denton (Texas) eta Pennsylvaniako Estatu Unibertsitateko liburutegietan daude. Bere hilobia State Collegeko (Pennsylvania) Center County Memorial Park-en dago.[17][18]

Bere ikerketengatik eta aurkikuntzengatik ez ezik, Mack etorkizuneko emakume zientzialari askoren mentore gisa gogoratzen da, bere ikerketa-eremuan emakume gehiegi ikusten ez ziren une batean.[3]

Erreferentziak

[aldatu | aldatu iturburu kodea]
  1. ↑ a b c d (Gaztelaniaz) Stadler, Marta Macho. (2018-12-19). «Pauline Gracia Beery Mack, química» Mujeres con ciencia (Noiz kontsultatua: 2024-12-31).
  2. ↑ (Ingelesez) Association, Texas State Historical. «Mack, Pauline Gracia Beery» Texas State Historical Association (Noiz kontsultatua: 2024-12-30).
  3. ↑ a b c d e (Gaztelaniaz) Stadler, Marta Macho. (2021-12-30). «Pauline Beery Mack estudió la química que hay en la nutrición, los huesos y la ropa de la gente» Mujeres con ciencia (Noiz kontsultatua: 2024-12-31).
  4. ↑ (Ingelesez) Babb, Joseph Glenn; MacKay, Hugh James. (1915). A Short History of the University. University of Missouri (Noiz kontsultatua: 2024-12-30).
  5. ↑ (Ingelesez) Ogilvie, Marilyn Bailey; Harvey, Joy Dorothy. (2000). The Biographical Dictionary of Women in Science: L-Z. Taylor & Francis ISBN 978-0-415-92040-7. (Noiz kontsultatua: 2024-12-30).
  6. ↑ «The Pittsburgh Press - Google News Archive Search» news.google.com (Noiz kontsultatua: 2024-12-31).
  7. ↑ ««"Warren Bryan Mack," National Academy Museum website.»» web.archive.org 2016-08-24 (Noiz kontsultatua: 2024-12-31).
  8. ↑ «First Director» Standard-Speaker: 5. 1941-02-06 (Noiz kontsultatua: 2024-12-30).
  9. ↑ «"Federation to Hear Dr. Mack on Wednesday,"» news.google.com (Noiz kontsultatua: 2024-12-30).
  10. ↑ «"Woman Who Probes Nation's Eating Habits Says She's Never Had Time to Be a Cook,"» news.google.com (Toledo Blade (April 3, 1950): p. 18.) (Noiz kontsultatua: 2024-12-30).
  11. ↑ (Ingelesez) «National Awards» American Chemical Society (Noiz kontsultatua: 2024-12-30).
  12. ↑ (Ingelesez) Bennicoff, Tad. (2011-03-17). «Merging Chemistry and Nutrition: Pauline Gracia Beery Mack» Smithsonian Institution Archives (Noiz kontsultatua: 2024-12-30).
  13. ↑ «Gay Pauley, "Doctor Hits Poor Diet of Teenagers,» news.google.com (Wilmington Sunday Star (June 7, 1953): p. 14.) (Noiz kontsultatua: 2024-12-30).
  14. ↑ (Ingelesez) Mack, Pauline Gracia Beery. (1969). The Effect of Space Flight on Bone Demineralization: Report on Experiment M-6. Texas Woman's University, for the National Aeronautics and Space Administration (Noiz kontsultatua: 2024-12-30).
  15. ↑ Pauline Berry Mack and Paul L. LaChance,. , "Effects of Recumbency and Space Flight on Bone Density,". The American Journal of Clinical Nutrition 20(11)(November 1967): 1194-1205..
  16. ↑ (Ingelesez) Section, American Chemical Society Dallas/Fort Worth; Werbin, Harold. (1974-11). «Southwest Retort, Volume 27, Number 3, November 1974» Southwest Retort 27 (3) (Noiz kontsultatua: 2024-12-30).
  17. ↑ «Pauline Beery Mack Papers. :: University Archives» web.archive.org 2014-03-18 (Noiz kontsultatua: 2024-12-31).
  18. ↑ «Pauline Beery Mack papers, 1922-1950 590» web.archive.org 2017-10-24 (Noiz kontsultatua: 2024-12-31).

Bibliografia

[aldatu | aldatu iturburu kodea]
  • Shearer, Benjamin (1997). Notable women in the physical sciences: a biographical dictionary. Westport, Connecticut: Greenwood Press. ISBN 978-0313293030. OCLC 433367323. 
  • Grinstein, Louise; Rose, Rose K.; Rafailovich, Miriam (1993). Women in chemistry and physics : a biobibliographic sourcebook. Westport, Connecticut: Greenwood Press. ISBN 978-0313273827. OCLC 476611813. 

Kanpo estekak

[aldatu | aldatu iturburu kodea]
"https://eu.wikipedia.org/w/index.php?title=Pauline_Gracia_Beery_Mack&oldid=10019701"(e)tik eskuratuta