Via Francigena

Bide seinaleak.

Via Francigena antzinako erromes bidearen izena da, Frantziatik Italia zeharkatzen zuena Erroma eta Apuliako portuetaraino. Handik, itsasoz joaten ziren Lur Santura. Erdi Aroan, bide garrantzitsua izan zen, bereziki erromesentzat San Petri eta San Pauloren hilobiak bisitatzeko. Iparraldetik Erromara joateko bide nagusia zen erromesentzat, eta "Iter Francorum" izena eman zioten "Itinerarium sancti Willibaldi" liburuan, 725. urtean.

Aditu batzuen ustez, bidea Canterbury hirian hasten zen, Ingalaterrako hego-ekialdean. Handik Mantxako kanala zeharkatu eta Frantziatik Suitzara eta hortik Italiara iristen zen. Hain zuzen ere, izenak "Frantziatik datorren bidea" esan nahi du, eta "Via Romea Francigena"-k "Erromarako bidea Frantziatik datorrena".

Ibilbidea

Ibilbideko puntu nagusiak.

Iparraldetik hegoaldera, hauek dira bideak zeharkatzen dituen hiri edo herri nagusiak:

• Ingalaterra: Canterbury eta Dover.
• Frantzia:
  • Calais (Frantzia Garaia)
  • Arras (H-de-F)
  • Laon (H-de-F)
  • Reims (Ekialde Handia)
  • Châlons-en-Champagne (G.E.)
  • Bar-sur-Aube (G.E.)
  • Langres (Champagne-Ardenne)
  • Besançon (Borgoina-Franche-Comté)
  • Pontarlier (B-F-C)
• Suitza:
  • Lausana (Vaud
  • Saint-Maurice (Valais)
  • Gran San Bernardo (Val.)
• Italia:
  • Aosta (Aostako Harana)
  • Vercelli (Piemonte)
  • Pavia (Lombardia)
  • Piacenza (Emilia-Romagna)
  • Fidenza (E-R)
  • Pontremoli (Toscana)
  • Lucca (T)
  • Siena (T)
  • Radicofani (T)
  • Viterbo (Lazio)
  • Erroma (L)

Erromarako erromesak Fidenzako katedraleko erliebe batean (XII. mendekoa).

Argazki galeria

• 
  Grande Randonnée GR-145 Champagne aldean.
• 
  Gran San Bernardoko mendatearen lakua.
• 
  Settimo Vittone, Piamonten.
• 
  Ariano Irpinotik gertu, Campanian.

Ikus, gainera

• Donejakue bidea

Kanpo estekak

• (Italieraz)(Ingelesez)Bidezidorraren webgune ofiziala.

• Datuak: Q542830
• Multimedia: Via Francigena / Q542830