Andres Alberdi

Andres Alberdi
Bizitza
Jaiotza	Getaria, 1953ko irailaren 9a (71 urte)
Herrialdea	Gipuzkoa, Euskal Herria
Familia
Seme-alabak	ikusi Uxue Alberdi;
Hezkuntza
Hizkuntzak	euskara; gaztelania
Jarduerak
Jarduerak	hizkuntzalaria
Kidetza	Euskaltzaindia

Andres Alberdi Gorostiaga (Getaria, 1953ko irailaren 9a) euskal hizkuntzalari eta euskaltzaina^[1]^[2] da. Filosofian lizentziaduna. Irakaskuntzan aritua 38 urtean. Lehenengo, Elgoibarko Ikastolan; ondoren, Elgoibarko Institutuan, eta bertan, Euskara eta Literaturako katedraduna 1982tik, harik eta 2011n erretiroa hartu zuen arte.

Bakarka zein elkarlanean, 1986tik, DBHko eta Batxilergoko Euskara eta Literaturako hogeitik gora ikasliburu eta gramatikaren egilea da. 1986-1990 bitartean, EGAko aztertzaile-taldeko kide, eta, 1988-1990 urteetan, Azterketa Batzorde Ofizialeko zuzendaritza-kidea, Gipuzkoako arduradun akademiko gisa. 1991-1992 ikasturtetik 2011ra arte, Eusko Jaurlaritzaren Hezkuntza Saileko EIMA Programan aritua.

2007tik, Euskaltzaindiaren Zientzia eta Teknika Hiztegia Biltzeko lantaldeko partaide da. 2014tik, Euskaltzaindiaren Euskara Batuaren Eskuliburuko batzordeburu, eta batzorde horrek 2018an paraturiko Euskara Batuaren Eskuliburuaren (2018) prestatzaile eta egilea. 2022tik, Morfosintaxiaren Estandarizazioko batzorde ahaldunduko idazkaria da. Euskaltzain urgazle izendatu zuten 2018an.

2022ko azaroaren 26an, Euskaltzaindiak euskaltzain oso izendatu zuen Andres Alberdi eta 2023ko azaroaren 25ean irakurri zuen sarrera-hitzaldia, Getariako udaletxean.^[3]

Erreferentziak

↑ irudia, Komunikazioa eta. «Itxaro Borda idazlea eta Andres Alberdi hizkuntzalaria euskaltzain oso izendatu ditu Euskaltzaindiak» www.euskaltzaindia.eus (Noiz kontsultatua: 2022-11-27).
↑ Berria. «Euskaltzain oso izendatu dituzte Itxaro Borda eta Andres Alberdi» Berria (Noiz kontsultatua: 2022-11-27).
↑ irudia, Komunikazioa eta. (2023-11-25). «Araua zaintzearen ofizioa» www.euskaltzaindia.eus (Noiz kontsultatua: 2023-11-27).

Bibliografia

Euskara Batuaren Eskuliburua (2018, Euskaltzaindia).
Manuel Larramendi. (1990, Eusko Jaurlaritza. Argitalpen Zerbitzu Nagusia, Bidegileak bilduma).
Agustin P. Iturriaga (1990, Eusko Jaurlaritza. Argitalpen Zerbitzu Nagusia, Bidegileak bilduma).
Oinarrizko gramatika (2008, Donostia: Elkar).
Ahoskera (2014, Gasteiz: EIMA. Eusko Jaurlaritza).

Kanpo estekak

Andres Alberdi Gorostiaga. Euskal Idazleen Elkartea.
Andres Alberdi Gorostiagari buruz Getariako Artzape aldizkarian.
Andres Alberdiren lanak

Datuak: Q123562047

[1] rudia, Komunikazioa eta. «Itxaro Borda idazlea eta Andres Alberdi hizkuntzalaria euskaltzain oso izendatu ditu Euskaltzaindiak» www.euskaltzaindia.eus (Noiz kontsultatua: 2022-11-27).

[2] Berria. «Euskaltzain oso izendatu dituzte Itxaro Borda eta Andres Alberdi» Berria (Noiz kontsultatua: 2022-11-27).

[3] rudia, Komunikazioa eta. (2023-11-25). «Araua zaintzearen ofizioa» www.euskaltzaindia.eus (Noiz kontsultatua: 2023-11-27).

[1]

[2]

[3]