* Sare sozialak. Instagram: [https://www.instagram.com/dejabu_konpainia/@dejabu_konpainia/#https://www.instagram.com/dejabu/@dejabu_konpainia]
Poetikoa, garaikidea eta hauskorra den antzerkia interesatzen zaie. Elkartzeko gonbitea egiten duena. Eszena sorkuntza konpainiaren lan lerro nagusia izanik ere, azken urteetan arte instalakuntza eta arte zuzendaritza lanak ere burutu dituzte. 2001.ean sortu zuten Dejabu. Ondoren LISPA eta London International Puppet School-en graduatu ziren (UK). Ainara Gurrutxaga, Urko Redondo eta Miren Alcalá dira konpainiako kideak. Egitasmo bakoitzean sortzaile talde zabala izaten dute ondoan. Gaur egun Errenteriako Niessen Kulturgunean konpainia egoiliar dira eta Lekuona Fabrikaren gidaritza taldeko kide. Sentsibilizazio eta bitartekaritza egitasmo hainbatetan aritzen dira lanean, artea eta gizartearen arteko zubiak eraikitzen.
“Objektuei esker gorputzak eta munduak ekartzen ditugu espaziora eta kaosean murgiltzen gara. Irudiak eta mugimenduak dira etortzen lehenak, ondoren datoz istorioak eta pertsonaiak. Antzezlan bakoitza zerotik hasten dugula sinetsi nahi dugu eta hala ere, beti hor daude euria, hegaztiak, irratiak, berokiak, izarrak, telefonoak eta kotxeak. Ez gara, agian, hain originalak :)”
Ainara Gurrutxaga
"Arrastoak" (EHAZE, 2019) liburuan argitaratuta topatu daitezke haien sormen prozesuari buruzko azalpenak.
