West Cork
West Cork edota Mendebaldeko Cork (irlanderaz Iarthar Chorcaí) Irlandako hego-mendebaldean dagoen Cork konderriko hego-mendebaldeko muturraren zatia edo berezko eskualdea da. Hots, Irlandan hegoaldeena dagoen lurraldea da.
Usadioz baserritar eta arrantzale giroko eskualdea izan arren, gaur egun turismo lekua da, berezko izaera edo nortasun sendoa duen eskualdea da, Cork konderriko iparralde, ekialde eta Cork hiria baino askoz ere gutxiago populatutako eskualdea baita.
Irlanda osoan eskualde honek beti, eta batez ere Irlandako Errepublika sortu aurretik, errebelde edo muturreko errepublikanismoaren gotorlekua izatearen ospea izan du. Berez, uharte osoan Dublin hiriburutik urrutien dagoen eskualdea ere bada, hortaz urruntasun horrek bidelapureta legearengandik ihesi zihoazenen bizileku ere bilakatu zuen.
Eskualde hau bera osatzen duten urruneko penintsula basatien edertasunarengatik ezaguna da: Beara penintsula, Sheep's Head edota Mizen Head, bai eta bertan kokatuta dauden udalerri politengatik ere: Clonakilty, Kinsale eta Rosscarbery.
Eskualde honetara bertaratzeko Cork hiritik atera eta "The West" edo "West Cork" seinaleak jarraitzea besterik ez dago, ondoren Bandon udalerrira ailegatu arte, hau Irlanda osoan usadioz Gateway to West Cork edo Mendebaldeko Corkeko Ataria ezizenez ezagutua da. Bestalde, Carrigaline edota Macroom udalerriak ere eskualde hau ezagutzeko abiapuntu bikainak dira.
Bestalde, bai geografikoki muturreko lurraldea denez, nahiz usadioz, eskualde hau Irlandar Independentzia Gerran zehar irlandar errepublikanismo irmoki sustraitua zegoen, Irlandako Gerra Zibilan ere Itun anglo-irlandarraren aurkarien gotorleku izan zen. Michael Collins bera eskualde honetakoa zen, Clonakilty inguruko baserri batean jaio baitzen, baina Itun anglo-irlandarraren aldekoa zenez, eta eskualde hartako gehiengoa, behintzat garai hartan, aurka azaldu zenez, berak eskualde hura baketzeko eginiriko bidai batean zehar Béal na mBláth izeneko pasabidean tiroz hil zuten.
Eskualde honetan Gaeltacht edo irlandera hiztunen eremu txiki bat ere badago (Kerry konderriaren mugan dauden hainbat udalerri eta herrixka): Ballyvourney, Ballingeary, Coolea eta Kilnamartyra, nahiz Cape Clear uhartea).
Kanpo estekak
aldatu- West Cork eskualdeko turismo bulegoaren webgunea (Ingelesez)
