Michel Platini

Michel Platini
	; (2010) Irudi gehiago
; UEFAeko presidentea	; 2007ko urtarrilaren 26a - 2015eko urriaren 8a ; ← Lennart Johansson - Aleksander Čeferin (en) →
; UEFAeko presidentea
Bizitza
Jaiotzako izen-deiturak	Michel François Platini
Jaiotza	Jœuf, 1955eko ekainaren 21a (69 urte)
Herrialdea	Frantzia
Lehen hizkuntza	frantsesa
Familia
Aita	Aldo Platini
Seme-alabak	ikusi Laurent Platini (en) ; Marine Platini (en) ;
Hezkuntza
Hizkuntzak	frantsesa; italiera
Jarduerak
Jarduerak	futbolaria, sports official (en) eta futbol entrenatzailea
Ibilbidea
	Parte-hartzailea 1986ko Munduko Futbol Txapelketa ; 1978ko Munduko Futbol Txapelketa ; 1982ko Munduko Futbol Txapelketa ; 1976ko Udako Olinpiar Jokoak ; UEFA Euro 1984 ; UEFA Euro 1992 ;
Posizio edo espezialitatea	erdilaria
Pisua	74 kilogramo
Altuera	179 zentimetro
Jasotako sariak	ikusi Ohorezko Legioko ofiziala (1998ko uztailaren 13a) ; Officer of the National Order of Merit (1994ko abenduaren 3a) ; Great Silver Medal of Honour for Services to the Republic of Austria ; Order of the Badge of Honour ; Urrezko Baloia (1983) ; Order of Honour ; L'Équipe Champion of Champions (1984) ; Ohorezko Legioko zalduna (1985) ; Urrezko Baloia (1984) ; Urrezko Baloia (1985) ; Premio internazionale Giacinto Facchetti (2011) ; Shohrat Order ; Order of Merit, 1st class ;

Michel François Platini (Jœuf, Meurthe-eta-Mosela, Frantzia, 1955eko ekainaren 21a) futbolari ohi frantziarra da, munduko inoizko hoberenetarikoa izan zena. Erdilari moduan jokatu izan zuen. Urrezko Baloia hiru aldiz eskuratu zuen, horrelakorik lortzen bakarra izanda Johan Cruyff eta Marco van Basten herbeheretarrekin batera.

Biografia

11 urterekin hasi zen futbolean jokatzen, eta 1973an egin zuen debuta Frantziako Ligako lehen mailan, Nancy taldearekin. 1977-78 denboraldian Kopa irabazi zuen bere taldearekin, eta harrezkero garbi erakutsi zuen kalitate bikaineko jokalaria zela.

1980. urtean Saint Etienne taldeak kontratatu zuen eta 1982az gero Juventus taldean jokatu zuen. Talde haiekin lortu zituen, besteak beste, Liga txapelketak (Frantziakoa 1980-81ean, Italiakoa 1983-84 eta 1985-86an), Errekopa (1983-84), Kopa (1982-83), Superkopa (1984) eta Kontinente arteko kopa (1985). Bestalde, Europan diharduen jokalari onenari ematen zaion Urrezko Baloia eskuratu zuen 1983, 1984 eta 1985ean.

70 alditik gora izan zen Frantziako selekzioaren jokalari, eta Argentinako munduko txapelketan (1978), Espainiakoan (1982) eta Mexikokoan (1986) parte hartu zuen; Nazioen Eurokopa irabazi zuen 1984an (golegile nagusia bera izan zen).

1987an futbolari karrera utzi, eta hurrengo urtean Frantziako selekzioaren entrenatzaile izendatu zuten (1992 arte), eta 1990ean Frantziako futbol federazioko zuzendaritzako kide. 1998an Frantziako Munduko Koparen antolaketa batzordeko lehendakari izan zen. 1990ean espetxe zigorra ezarri zioten Saint Etienne taldean aitortu gabeko funts batetik zenbait futbolariri ordaintzen zitzaien saria zela eta.

Kirol ibilbidea

1972–1979: AS Nancy 181 p (98 g)
1979–1982: AS Saint-Etienne 104 (58)
1982–1987: Juventus FC 147 (68)

Guztira 432 partida (224 gol).

Palmaresa

Europako Futbol Txapelketa irabazi zuen Frantziako selekzioarekin 1984an. Txapelketa hartan jokalaririk onena eta golegile nagusia izendatu zuten.

Bestela, selekzioarekin 72 partida jokatu zituen guztira eta 41 gol sartu.

Ikus, gainera

FIFA 100

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Wikimedia Commonsen badira fitxategi gehiago, gai hau dutenak: Michel Platini

Datuak: Q4261
Multimedia: Michel Platini / Q4261