John Williams

John Towner Williams (Long Island, New York, Ameriketako Estatu Batuak, 1932ko otsailaren 8a) musikagilea eta orkestra zuzendaria da. Bost aldiz irabazi du Oscar saria.

John Williams
Irudi gehiago
Boston Pops (en) principal conductor (en) 1980 - 1993
Bizitza
Jaiotzako izen-deiturak	John Towner Williams
Jaiotza	New York, 1932ko otsailaren 8a (92 urte)
Herrialdea	Ameriketako Estatu Batuak
Familia
Ezkontidea(k)	Barbara Ruick
Seme-alabak	ikusi Joseph Williams
Hezkuntza
Heziketa	Juilliard School (en) Glendale High School (en) Accademia Musicale Chigiana (en) North Hollywood High School (en) Kaliforniako Unibertsitatea Los Angelesen UCLA Herb Alpert School of Music (en)
Hizkuntzak	ingelesa
Jarduerak
Jarduerak	orkestra zuzendaria, musikagilea, piano-jotzailea eta soinu banda konpositorea
Lan nabarmenak	ikusi music of Star Wars (en) Raiders of the Lost Ark (en) Munich – Original Motion Picture Soundtrack E.T. the Extra-Terrestrial – Music from the Original Soundtrack Close Encounters of the Third Kind (soundtrack) (en) SpaceCamp (en) Indiana Jones and the Last Crusade (en) Empire of the Sun: Original Motion Picture Soundtrack (en) Home Alone: Original Motion Picture Soundtrack (en) JFK (en) Jurassic Park (en) Schindler's List (en) The Lost World: Jurassic Park (en) Seven Years in Tibet (en) Saving Private Ryan (en) Angela's Ashes – Music from the Motion Picture The Patriot – Original Motion Picture Score A.I. Artificial Intelligence – Music From The Motion Picture Minority Report (en) Catch Me If You Can (en) Harry Potter and the Philosopher's Stone – Music From and Inspired by the Motion Picture (en) Harry Potter and the Prisoner of Azkaban – Music From And Inspired By The Motion Picture (en) Memoirs of a Geisha – Original Motion Picture Soundtrack (en) Indiana Jones and the Kingdom of the Crystal Skull – Original Motion Picture Soundtrack The Adventures of Tintin: The Secret of the Unicorn (en) The Fabelmans (en) 1988 Summer Olympics Album: One Moment in Time (en) Theme from Close Encounters of the Third Kind (en) Theme from Superman (Main Title) (en)
Jasotako sariak	ikusi National Medal of Arts  (2009) Grammy Award for Best Instrumental Composition  (2015) : The Book Thief (en) Jatorrizko abesti onenaren Oscar Saria  (1970) : Fiddler on the Roof Academy Award for Best Original Dramatic Score  (1974) : Jaws Jatorrizko soinu banda onenaren Oscar Saria  (1976) : Star Wars IV. Atala: Itxaropen Berria Jatorrizko soinu banda onenaren Oscar Saria  : E.T. the Extra-Terrestrial Jatorrizko soinu banda onenaren Oscar Saria  : Schindler's List Kennedy Center Honors AFI Life Achievement Award  (2016) Grammy Award for Best Score Soundtrack for Visual Media  (2007) : Memoirs of a Geisha Officer of Arts and Letters  (2016ko apirilaren 19a) Urrezko Globo Sariak Saturn Award for Best Music Arteetako Asturiasko Printzesa saria  (2020) Honorary Knight Commander of the Order of the British Empire  (2022) Classic Brit Awards
Kidetza	Arteen eta Zientzien Ameriketako Estatu Batuetako Akademia
Genero artistikoa	musika klasiko garaikidea
Musika instrumentua	pianoa Klabizenbaloa Klarinete baxua baritone saxophone (en) bass (en)
Diskoetxea	Sony Classical Philips Classics Records (en) MCA Records 20th Century Fox Records Philips Columbia Records
Zerbitzu militarra
Adar militarra	Ameriketako Estatu Batuetako Aire Armada

Bost hamarkadatan zabaltzen den ibilbide batean, Williamsek zinemako historiaren soinu-banda ospetsuenetakoak konposatu ditu, esate baterako: Star Wars, Jaws, Harry Potter, Superman, E.T., Jurassic Park, Indiana Jones.... horrez gain hainbat musika konposizio egin ditu Olinpiar Jokoetarako, hainbat telebista saiotarako eta kontzertu batzuetako zenbait zati.

Williamsek bost aldiz irabazi du Arte eta Zientzia Zinematografikoen Oscar saria. Era berean, zinemako musikaren konpositorerik onenetako bat dela jotzen da; ehundik gora soinu-bandak konposatu ditu filmetarako, bai eta telebista saioetako beste soinu-banda asko ere.

Ikasketak

Zazpi urte soilik zituenean, piano ikasketak hasi zituen tronboia jotzea gustatzen zitzaion arren. Horregatik, hamar urte zituela, bere aitak esan zion pianoa jotzen jarraituz gero, tronboi ikasketak hasteko gai izango litzatekeela. Bi instrumentu horiek ikasi eta gero, tronpeta eta klarinetea jotzen ikasi zuen.

1948. urtean, John Williamsen familia Los Angelesera mugitu zen. Han, North Hollywood High School izeneko eskolan aritu zen Williams. Gero, Kaliforniako unibertsitatean piano eta konposizio ikasketak egin zituen. 1952. urtean, Estatu Batuetako Aire Indarretan sartu zen eta horretan zegoela bertako musika-banda konpondu eta antolatu zuen, bere lanen zati gisa. Hori amaitu eta gero, 1955. urtean, New York hirira mugitu zen eta Rosina Lhévinnek piano ikasketak eman zizkion Juilliard eskolan.

Ibilbide artistikoa

Garai hartan, jazz pianista aritu zen hiriko klub batzuetan. Baina geroago, Los Angeles-era aldatu zen berriro. Han filmen ikasketen orkestratzaile izan zen, Bernard Herrmann, Morris Stoloff, Adolph Deutsch, Miklós Rózsa, Alfred Newman eta Franz Waxmanekin batera, baita Jerry Goldsmith, Elmer Bernstein eta Henry Mancinirekin ere soinu-banda batzuetan pianoa jo zuen; adibidez: Peter Gunn, Ardo egunak, Arrosak...

1950eko urteen hasieran, Frankie Laine eta Vic Damonentzat lan egin zuen, eta banda horren buru Williams zen. Hamarkada horren amaieran, telebista saioentzako soinu-bandak konposatzen hasi zen eta 1972. urtean, arrakasta handia hartu zuen Poseidon filmarekin. Horrekin batera, enpresa zinematografikoek zoritxarrezko filmen generoetan espezialista sailkatu zuten. 1960an Columbia Records ekoiztetxeak kontratatu zuen, konpositore eta pianista lanetarako, eta han bilduma ugari egin zituen, André Previn konpositore alemanarekin batera.

John Williamsek bere aldakortasunagatik ospe handia irabazi zuen; hau da, jazz musika ugari konposatzerako orduan, pianoarentzako musika, baita musika sinfonikoa konposatzerako orduan ere. 1967an bere lehen izendapena lortu zuen Oskar sarientzako “Valley of the Dolls” filmaren soinu-banda konposatzeagatik.1971. urtean, bere lehen saria irabazi zuen, Oskar bat soinu-banda onenari, “Teilatuko biolin-jotzailea” izeneko filmean. Hurrengo urteetan, soinu- bandak konposatu zituen hainbat filmentzako.

1980an, John Williamsek Arthur Fiedler ordezkatu zuen Boston Pops Orkestrako lehen zuzendari gisa. Popsen tradizioari jarraitu zion, herriari erakustea zein den musika klasikoa, eta Boston Collegen telebista saio bat egiten hasi zen Pops-on-the-Heights izenekoa. Zuzendari 1993 arte aritu zen; urte hartan, Keith Lockhartek ordezkatu zuen.

Williams-en konposizioetako estilorik ohikoena, forma neorromantikoa izaten da eta gehienetan Richard Wagner, Max Steiner eta Erich Wolfgang Korngold konpositoreen eragin erromantikoa izaten dute. Beste konpositore batzuk bezala; Wagnerren bezala adibidez, askotan, leitmotiv erabiltzen du, eta bere leitmotivek pertsonaiak identifikatu dituzte, objektuak, kreaturak, lekuak...

Bizitza pribatua

Williams, 1956etik 1974ko martxoaren 3ra arte Barbara Ruick antzezlearekin ezkonduta egon zen, baina martxoaren 3 hartan Barbara hil zen, burezurraren barruko hemorragia bategatik. Biok batera, hiru seme alaba izan zituzten: Joseph Williams, abeslari eta konpositore izan zena, Mark Towner Williams, perkusionista eta Jennifer Williams medikua zen. 1980ko uztailaren 21ean, Samantha Winslowekin ezkondu zen, eta geroztik Samantha du emazte.

Wikimedia Commonsen badira fitxategi gehiago, gai hau dutenak: John Williams

Erreferentziak

• Datuak: Q131285
• Multimedia: John Williams (composer) / Q131285