Jacques Tardi
Jacques Tardi (Valence, 1946ko abuztuaren 30a) frantses komikilaria da. Pilote aldizkarian egin zuen debuta 1970ean, eta Adieu Brindavoine sortu zuen (1972-1973) han. Lehen Mundu Gerrak beragan izan zuen eragina erakusten zuen komiki hartan. Gai horren inguruan egin zuen lan nagusia: C'était la guerre des tranchées (1982-1993, Lubakien gerra zen). Le Démon des glaces (1974, Izotzetako deabrua) lanean, komiki moduan adierazten ditu Jules Verneren gisako bidaiak. Adèle Blanc-Sec sailean (1976, Sud-Ouest aldizkarian sortua), berriz, XX. mende hasieran boladan izan ziren polizia-istorioak eta istorio fantastikoak eman zituen eleberri modura. 1978tik 1979ra, Ici même marraztu zuen, Jean-Claude Foresten gidoian oinarrituta. 1981ean, Brouillard au pont de Tolbiac (Lainoa Tolbiaceko zubian) lanarekin, Léo Maleten eleberrien egokitzapen-sail bat egiten hasi zen, Nestro Burma detektibea paperera eramanaz. Jacques Tardik garrantzizko lana egin zuen 70eko hamarkadan, helduentzako marrazki-zerrenden alorrean. Hainbat liburutako ilustrazioak egin ditu, batez ere, Célinerenak.
| Jacques Tardi | |
|---|---|
 | |
| Bizitza | |
| Jaiotza | Valence, 1946ko abuztuaren 30a (78 urte) |
| Herrialdea |  Frantzia |
| Familia | |
| Ezkontidea(k) | Dominique Grange (en)  (1983ko ekainaren 18a - |
| Hezkuntza | |
| Heziketa | École nationale supérieure des arts décoratifs (en) École nationale supérieure des beaux-arts de Lyon (en) |
| Hizkuntzak | frantsesa |
| Jarduerak | |
| Jarduerak | idazlea, komikigilea eta ilustratzailea |
| Enplegatzailea(k) | Casterman (en) |
| Jasotako sariak | ikusi
|
   | |
Erreferentziak
aldatuWikimedia Commonsen badira fitxategi gehiago, gai hau dutenak: Jacques Tardi  |
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
Datuak: Q506449
Multimedia: Jacques Tardi / Q506449
