Digital object identifier

Digital object identifier (objektu digitalaren identifikatzailea), DOI laburtuta, URI identifikadoreen antzeko sistema da. DOI sistema erabiltzeko bide arrunta artikulu zientifikoei zenbaki zehatza ematea da, Interneten bidez edonork aurki dezakeena. Web orriek erabiltzen duten URL sistema ez bezala, DOI sistema ez da aldatzen denboraren poderioz: artikulua leku berri batean kokatzen badute informazioa bera izango da.

DOI logotipoa

Identifikatzaile bakarra eta iraunkorra da argitalpen elektronikoetarako. Objektu digitalen (aldizkariak, artikuluak...) deskribapenari eta Interneten duten kokapenari buruzko informazioa ematen du, metadatuen bidez (egilea, titulua, argitalpen-datuak, etab.).

DOI batez ere aldizkari elektronikoetako artikuluei esleitzen zaie, baina baita liburuei, liburuen kapituluei, kongresuetako akta eta komunikazioei, softwareari, bideoei eta abarri ere.

Sortzailea eta kudeatzailea

Sistema hau Corporation for National Research Initiatives (CNRI) erakundeak sortu eta International DOI Foundation (IDF) erakundeak kudeatzen du.

Adibideak

`Fontes Linguae Vasconum` aldizkari akademikoak Maialen Fernandez Martinez ikertzailearen "Orixeren Mireio (1930). Literatura proventzalaren eta euskal literaturaren arteko zubia" artikulua fisikoki argitaratu zuen.

Culturra navarra webgunean eskuragarri dago artikulu horren PDF bertsioa eta argitaratuta dago artikuluaren DOI helbidea. DOI honen bidez arikulua identifikatu eta modu errazean aurki daiteke: https://doi.org/10.35462/flv135.9.

Ikus, gainera

• ISBN
• ISSN
• DOI
• URL
• URI

Kanpo estekak

• The Digital object identifier System (Ingelesez)

• Datuak: Q25670
• Multimedia: Digital Object Identifier / Q25670
• Espezieak: Doi (identifier)

Artikulu hau zirriborroa da. Wikipedia lagun dezakezu edukia osatuz.