Astakamamila

Astakamamila (Santolina chamaecyparissus) Elkartuen (Asterazeoak) taldeko landarea da, sendabelar gisa erabiltzen dena.

Astakamamila
Irudi gehiago
Sailkapen zientifikoa
Erreinua	Plantae
Ordena	Asterales
Familia	Asteraceae
Leinua	Anthemideae
Generoa	Santolina
Espeziea	Santolina chamaecyparissus L.

Kamamilaren antzeko usaina du, hortik landarearen izena, eta zapore mingotsa du.

Deskribapena

Landare hostoriraunkorra da, 50 cm-ko altuera hartzen duena. Hosto estuak ditu, zati luzexkatan banatuak. Gris-berde kolorekoak dira eta usaintsuak.

Lore antzeko gerba bakunak ditu, horixkak, adarren muturrean. Infloreszentzia osatzen duen lore bakoitza hodi itxurakoa da.

Fruitua karratu itxurakoa da.

Hedapena eta habitata

Jatorrian Europan badu ere Afrika iparraldera eta Ipar Amerikara ere zabaldu da.

Toki lehorretan eta harritsuetan hazten da, Mediterraneoko karezko lurretan bereziki. Behin indarra hartzen duenean gai da lurzoru lehor eta pobreetan bizitzeko.

Erabilera

Ohar medikoa

Oharra: Wikipediak ez du mediku aholkurik ematen. Tratamendua behar duzula uste baduzu, jo ezazu sendagilearengana.

Sendabelar gisa erabiltzen da. Heste zizareak hiltzen ditu eta tripako minei aurre egiteko kamamilaren ordezko bezala erabiltzen da gerben infusioa. Antibiotikoa eta desinfektatzailea ere bada.

Sitsen aurka egiteko armairuetako tiraderatan jartzen da.

Kanpo estekak

• Datuak: Q1543811
• Multimedia: Santolina chamaecyparissus / Q1543811
• Espezieak: Santolina chamaecyparissus