Albert Claude

Albert Claude
	; (1974) Irudi gehiago
katedradun	;
katedradun
Bizitza
Jaiotza	Neufchâteau, 1898ko abuztuaren 24a
Herrialdea	Belgika ; Ameriketako Estatu Batuak (1941 -
Lehen hizkuntza	frantsesa
Heriotza	Brusela, 1983ko maiatzaren 22a (84 urte)
Familia
Ezkontidea(k)	Julia Gilder (en)
Familia	ikusi Richard Watson Gilder II (en) (ezkonanaia); Rodman Drake de Kay Gilder (en) (aitaginarreba); Louise Comfort Gilder (en) (amaginarreba);
Hezkuntza
Heziketa	Liejako Unibertsitatea
Hizkuntzak	frantsesa
Jarduerak
Jarduerak	biologoa, akademikoa, medikua, unibertsitateko irakaslea, biokimikaria, kimikaria eta biologo zelularra
Enplegatzailea(k)	Rockefeller Unibertsitatea ; Bruselako Unibertsitate Askea
Jasotako sariak	ikusi Medikuntzako Nobel Saria (1974) ; Louisa Gross Horwitz Prize (1970) ; British War Medal (1918) ; Victory Medal 1914–1918 ;
Kidetza	Arteen eta Zientzien Ameriketako Estatu Batuetako Akademia; Frantziako Zientzien Akademia; Académie Nationale de Médecine (en) ; Belgikako Medikuntzako Errege Akademia

Albert Claude (Longlier, Belgika, 1899ko abuztuaren 24a - Brusela, Belgika, 1983ko maiatzaren 22a) biologoa izan zen.

Biografia

Belgikan egin zituen ikasketak, Liejako Unibertsitatean, eta lehenengo ikerlan garrantzitsuak New Yorkeko Rockefeller Institutuan egin zituen, 1930eko hamarraldian eta 1940koan zehar. 1941. urtean estatubatuar hiritartasuna eskuratu zuen, eta 1949an belgikar eta estatubatuar hiritartasunak, biak, hartu zituen. Rockefeller Unibertsitateko katedraduna eta Bruselako Unibertsitate Askeko katedraduna izan zen, eta 1948tik 1971ra bitartean Belgikako Jules Bordet Institutuko zuzendari lanetan jardun zuen.

1974. urtean Medikuntzako Nobel Saria eman zioten, zelula bizien biologiari buruz egindako ikerlanengatik. Nobel Saria Christian de Duve belgikarrarekin eta George E. Palade estatubatuarrarekin banatu zuen; zelulen biologia modernoaren aitzindari izan ziren hirurak. Clauderen ekarpen nagusia zelularen osagaiak bereizteko eta osagai bakoitza bere aldetik, elkarrengandik bereiz, ikertzeko zentrifugatzaile bat (hau da, lastertasun handian biratzen den tresna bat) erabiltzea izan zen. Zentrifugazio diferentziala deritzo Claudek asmaturiko prozedura horri, eta garrantzi handiko teknika da, ikerketa biologikoen alorrean. Bestalde, mitokondriak arnasketan betetzen duen zeregina zehaztu zuen, eta zelulen zitoplasman proteinak pilatzen diren mintza ere, mintz endoplasmiko deritzona, berak aurkitu zuen. Claude izan zen, orobat, ikerketa biologikoetan mikroskopio elektronikoa erabili zuen lehen ikertzailea (1942an, zelularen zatiak bereiz aztertzeko lanetan, hain zuzen ere).

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Kanpo estekak

Datuak: Q233943
Multimedia: Albert Claude / Q233943