Epagomeno
Epagomenoak 360 eguneko zikloari, 365 eguneko eguzki urtea osatzeko erantsitako bost egunen izen greziarra zen.
Herodotok honako hau idatzi zuen:
| « | Egiptoarrak urtearen zikloa zehazten lehenak izan ziren, haren iraupena hamabi zatitan eginez. Esaten zutenez, astroak behatuz ohartu ziren horretaz. | » |
Egutegi zibilaren asmakuntza, K. a. III. milurtekoaren hasieran agertzen da, eta haren erabileraren zantzuak daude Egiptoko IV. dinastiako faraoia izan zen Shepseskafen garaian. Egiptoar urte zibila 365 egunez osatuta zegoen, 120 eguneko hiru urtarotan banatuak, banandutako hilabete bat osatzen ez zuten beste erantsitako bost egunekin batera. Antzinako egiptoarrek heru renpet esaten zieten "urtearen gainetik daudenak", mesut necheru "jainkoen jaiotzarena" izenaz ere ezagutzen ziren, bost egiptoar jainkoren jaiotza ospatzen baitzen: Osiris, Horus, Seth, Isis eta Neftis (bostak Nut jainkosaren seme-alabak ziren: egun horiei esker ama izan zen, urteko gainerakoetan Rak debekatua baitzion). Ondoren, koptikoan, piabot nkoyxi "hilabete txikia" esan zitzaien.
Haiei buruzko lehen zantzua Mizerino faraoiaren garaiko Nekankh funtzionarioaren hilobitik dator. Piramideetako Testuetan ere aipatzen dira.
Hona urtaroon izenak:
- Uholdea: akhet
- Ereintza edo irteera: peret
- Uzta edo lehortea: shemu
Mitologia
Dyehutyk (Thot grezieraz) sortu zituen bost egun epagomenoak, Ilargiaren jainko Khonsuren argitasunetik kenduz.
Ikus, gainera
Kanpo estekak
Datuak: Q8776529
