Ĝermolisto de danaj esperantistoj
Enhavo: | A B C Ĉ D E F G Ĝ H Ĥ I J Ĵ K L M N O P R S Ŝ T U Ŭ V Z |
A
[redakti | redakti fonton]Axel ANDERSEN (naskiĝis la 10-an de oktobro 1886 en Svendborg) estis dana pentristo kaj esperantisto. Esperantisto de 1919, li gvidis multajn kursojn en Odense kaj en aliaj urboj. Dumtempe li funkciis kiel sekretario de C.D.E.L..
B
[redakti | redakti fonton]Martin BLICHER (1884-1963) estis studanto de juro kaj pioniro de la Esperanto-Movado en Danio.
E
[redakti | redakti fonton]Helle EBLE-JACOBSEN estas dana esperantistino. Komence de la 1990-aj jaroj ŝi plurajn jarojn estis prezidantino de la Dana Esperantista Junulara Organizo, la landa sekcio de TEJO. De 1991 ŝi en Ariège (Arjeĵujo), ĉe Pireneoj de suda Francio, gvidis unu el esperantlingvaj korusaj stud-semajnoj, kiujn aranĝas la esperantisto Jorgos, kun kiu (kaj kun Marianne LUND & Jean-Marc VERGER) ŝi jam en 1988 kunorganizis ĉirkaŭ-Eŭropan bicikladon varbante E-on pro 40-jariĝo de Universala Hom-Rajta Deklaracio.
H
[redakti | redakti fonton]Engelbrecht HANSEN (naskiĝis en 1909 kaj mortis en 1995), fakdelegito de UEA pri filatelo en Holbæk (Danio).
Karl HANSEN (naskiĝis 1913 - mortis la 11-an de novembro 1981) estis prezidanto de la loka Esperanto-klubo kaj longtempe ankaŭ UEA-delegito en Roskilde (Danio).
Christian Hougaard estis dana esperantisto en la unua duono de 20-a jarcento.
Verkoj:
- „El la nebulo“. 2ed. Eld. Dansk Esperanto-Forlag, Aabyhoj, 1937.
![]() |
|
![]() |
|
Carl Adolph HVORSLEV (vorsleŭ), dano, instruisto de natursciencaj fakoj en Aarhus. Naskiĝis en la 10-a de junio 1880 en Rindsholm. Esperantisto de 1912. Energia propagando skriba kaj buŝa. Estrarano de la loka grupo kaj landa societo. Ano de la ekzamena komisiono. (el EdE-H)
I
[redakti | redakti fonton]Peter ISAKSEN (naskiĝis 1897, mortis la 4-an de decembro 1958 en Lyngby kiel 61-jara) estis dana esperantisto, multjara kasisto de loka grupo kaj fakdelegito de UEA. Aktivulo kaj kasisto en Lyngby.
J
[redakti | redakti fonton]Poul JÖRGENSEN, dano, instr. mezlerneja. Naskiĝis en la 24-a de januaro 1905 en Ordrup. Esperantisto de 1924. Prezidanto de la Konversacia Esperanto-Klubo en Kopenhago de 1930, estrarano de landa societo.
Vidu ankaŭ:
- Poul Jørgensen, 1914-1991, esperantisto en Århus
K
[redakti | redakti fonton]Arne KOLLE (naskiĝis en 1920; mortis la 29-an de januaro 1995 en Hals) estis dana esperantisto, emerita poŝtestro, ĉefdelegito kaj peranto de UEA en Danio de 1966 ĝis sia forpaso, dumviva membro, fakdelegito ekde 1957.
L
[redakti | redakti fonton]Bo LARSEN (1931-1995), dumviva membro, mortis la 9-an de decembro en Danio. Antaŭa estrarano de Dana E-Asocio, li estis forta subtenanto de la laboro kaj idealoj de Ivo Lapenna.
Christian LAURIDSEN (naskiĝis en 1953, mortis en aprilo 1991 en Kopenhago) estis kunfondinto de Dana Esperantista Junulara Organizo, iama redaktoro de Eĥo, vic- kaj fakdelegito de UEA.
M
[redakti | redakti fonton]Tove MADSEN (1912-1997), preskaŭ 50 jarojn membro de UEA, delegitino en Odder (Danio) ekde 1952, mortis la 10-an de marto.
Gunvar Monster
[redakti | redakti fonton]Gunvar Monster en 1906 estis unua sekretariino de la unua Esperanto-grupo dana, "Esperantist-foreningen". Adreso Osterbrogade 28, B, 4-a etaĝo[1].
N
[redakti | redakti fonton]Ole Nederland estis dana esperantisto dum la mezo de 20-a jarcento.
Verko:
Ole Nederland. Tom kaj Tina; internacia lemolibro por infanoj. Eld. Dansk Esperanto-Forlag, Abbyho, 1961(?)
![]() |
|
Søren Kristian NIELSEN (naskiĝis 1905 - mortis la 8-an de junio 1988 en Fredericia, Danio) estis delegito de UEA kaj prezidanto de la urba Esperanto-klubo (la plej granda en Danio) de pli ol kvindek jaroj, kaj dum longa periodo li aranĝis nordiajn karavanojn al la Universalaj Kongresoj.
P
[redakti | redakti fonton]Johannes B. PEDERSEN (1913- mortis meze de 1989 en Kolding, Danio) estis UEA-delegito dum pli ol dudek jaroj.
Sigurd PIOTROWSKI (naskiĝis en 1927, mortis la 1-an de aŭgusto 1994 en Herlufmagle) estis dana esperantisto kaj multjara gvidanto de la libroservo en Danio.
R
[redakti | redakti fonton]H.V. Rasmussen aktiviĝis en la dana movado kaj interalie tradukis la libron "Faktoj pri Danlando" (1948) Kopenhago: Politiken kun la elstara dana esperantisto Poul Thorsen.
S
[redakti | redakti fonton]Ib SCHLEICHER estas dana esperantisto kiu aparte konatiĝis pro lia esperantlingva traduko, kun August Weide, de la libro ABZ de amo, enciklopedio pri la seksa vivo, origine verkita en la dana lingvo de la seksologok Sten kaj Inge Hegeler (la esperantlingva traduko publikiĝis en 1972).
Verkoj
- Objektiva vivkoncepto. Eld. Instituto Martinus, Kopenhago, 1964(?)
![]() |
|
Ileana SCHRØDER estas dana esperantisto kiu devenas el Kroatio, estinta Jugoslavio. Ŝi estas la nuna prezidanto de la Dana Esperanto-Asocio ekde 2003. Ŝi ankaŭ estas komitatano de la Komitato de UEA ekde 2003.
T
[redakti | redakti fonton]OLE THERKELSEN estas dana esperantisto kiu interalie kontribuas al esperantaj tradukoj de publikaĵoj el la Martinus-instituto. En 2016 aperis lia libro Martinus kaj la nova monda moralo.
Gunnar THUESEN (naskiĝis en 1928, mortis la 7-an de marto 1994) estis dana fervojista esperantista aktivulo.
Peder Kristensen TOKSVIG estis gazeta redaktoro en Nykøbing (Sjælland). En 1897 li en sia urbo fondis la unuan danan Esperanto-asocion.
Referencoj
[redakti | redakti fonton]- ↑ Ruslanda Esperantisto. Esperantista Movado. Nro. 6, p. 127. Jun-Jul. 1906