TEJO-Vikio
La TEJO-Vikio estis inter 2003 kaj 2014 publike alirebla vikio kreata de aktivuloj de la Tutmonda Esperantista Junulara Organizo. Laŭ la origina celo ĝi celis esti libere redaktata komuna retejo por kunlabori pri diversaj projektoj,[1][2] kiel informoj pri landaj sekcioj, tradukoj por TEJO, aŭ planata TEJO-radio. La TEJO-Vikio estis unu el la unuaj vikioj ekuzitaj en Esperantujo dum la moda ondo de vikioj (ligita al la ekesto de Vikipedio en Esperanto).
Enhavo
[redakti | redakti fonton]Dum la jaroj de ĝia ekzisto, la TEJO-vikio estis uzata por organiza laboro ene de TEJO, sed ankaŭ por komunikado al la membroj de TEJO kaj partoprenintoj de ĝiaj aranĝoj kaj ankaŭ alia disponigado de informoj al la publiko. Aperis en ĝi ekzemple listo de fotoj de la IJK 2008[3], publike disponiĝis tie arkivo de la retaj estraraj kunsidoj de TEJO,[4] TEJO enmetadis tien detalajn raportojn pri agado referencatajn en la Estrara Jarraporto,[5] kaj oni ankaŭ plurfoje uzis la datumojn pri landaj sekcioj el la TEJO-vikio por produkti la Jarlibron de UEA.
Historio
[redakti | redakti fonton]Ĝi estis lanĉita de Chuck Smith, tiam volontulo de TEJO, en majo 2003 kaj anoncita en TEJO-aktuale.[2][1] Jam ĉe la lanĉo ĝi enhavis informojn pri 7 landaj sekcioj de TEJO, listojn de aktivuloj kaj proponon diskuti projektajn ideojn kaj serĉi kunlaborantojn.[1][2] Ĉeestis ankaŭ listo de membroj de TEJO okupiĝantaj pri vikioj. La kutimo estis ensaluti per sia propra nomo, sed formala registriĝo kaj sistemo de uzantonomoj ne ekzistis.
Iam turne de la jaroj 2009 kaj 2010 la TEJO-vikio iĝis pasvorte protektita,[6] sed la uzantonomo kaj la pasvorto estis apud la ensalutformularo klarigitaj en Esperanto. Temis pri klopodo kontraŭi spamon, pro kiu tamen la vikio fine fermiĝis iam en 2014. Nuntempe oni planas ĝian restarigon per nova sistemo kaj disponigon de rete konsultebla arkivo de la malnova enhavo.[7]
Referencoj
[redakti | redakti fonton]- ↑ 1,0 1,1 1,2 TEJO-aktuale N-ro 111 [sic!] (19 majo 2003) – "OFICIALA LANCHO DE LA TEJO-VIKIO"
- ↑ 2,0 2,1 2,2 TEJO-aktuale N-ro 112 [sic!] (19 majo 2003) – "OFICIALA LANCHO DE LA TEJO-VIKIO"
- ↑ En la IJK povas okazi io ajn | La vivo de Kunar
- ↑ Neniu volas inviti IJK-n 2008
- ↑ TEJO Tutmonde numero 118–120 (2006:4-5-6); jaro 24[rompita ligilo]
- ↑ La TEJO Vikio petas ekde nun uzantnomon kaj pasvorton (artikolo alligita en dekstra kolumno de tiu arkiva paĝo)
- ↑ TEJO-Vikio ???
Vidu ankaŭ
[redakti | redakti fonton]Eksteraj ligiloj
[redakti | redakti fonton]- Retpaĝaro de la TEJO-vikio[rompita ligilo] (provizore ne funkcias, tie estas aperonta ankaŭ arkivo)