Leskovec

	Leskovec
	germane Leskawetz
	municipo
	Ĉefa ŝoseo, direkto Vsetín
Flago	Blazono
	Oficiala nomo: Leskovec
Ŝtato	Ĉeĥio
Regiono	Regiono Zlín
Distrikto	Distrikto Vsetín
Administra municipo	Horní Lideč
Historia regiono	Moravio
Parto de	Valaĥio
Montaroj	Vsetínské vrchy, Javorníky, Vizovica montetaro
Rivero	Senice
Situo	Leskovec
- alteco	375 m s. m.
- koordinatoj	49° 17′ 21″ N 18° 00′ 12″ O / 49.28917 °N, 18.00333 °O (mapo)
Katastro	9,85 km² (985 ha) Leskovec
Loĝantaro	677 (2024)
Denseco	68,73 loĝ./km²
Unua skribmencio	1549
Horzono	MET (UTC+1)
- somera tempo	MET (UTC+2)
Poŝtkodo	756 11
NUTS 3	CZ072
NUTS 4	CZ0723
NUTS 5	CZ0723 544264
Katastraj teritorioj	1
Partoj de municipo	1
Bazaj setlejunuoj	1
	Situo enkadre de Ĉeĥio Situo enkadre de Ĉeĥio
	Vikimedia Komunejo: Leskovec
	Retpaĝo: www.leskovec.cz
	Portalo pri Ĉeĥio

Por samtitolaj artikoloj vidu la paĝojn Leskovec (Březová), Leskovec (Kroatio) kaj Leskovec (Vraca).

Koordinatoj: 49° 17′ 21″ N 18° 00′ 12″ O / 49.28917 °N, 18.00333 °O (mapo)

Leskovec estas vilaĝo en distrikto Vsetín en Ĉeĥio, situanta en valo de rivereto Senice, proksimume 6 km de urbo Vsetín. Okcidente de la vilaĝo etendiĝas Vizovické vrchy, en orienta direkto komenciĝas montodorso de Javorníky. Tra la vilaĝo kondukas landvojo kuniganta Moravion kun Slovakio. La plej alta loko en la katastro de vilaĝo estas montopinto Petrášov kun supermara alteco 591 m, proksimume trionon de la katastro de vilaĝo kovras arbaroj. Vivas ĉi tie 677 loĝantoj (2024).

La najbaraj municipoj de la setlejo estas Hovězí, Ústí, Lhota u Vsetína, Seninka kaj Valašská Polanka.

Historio

La unua mencio pri Leskovec (Lestzna) devenas el la jaro 1361. Tiutempe okazis konfliktoj je limoj de teritorio de cisterciana monaĥejo en Vizovice kun ties najbaroj, sed la monaĥejo defendis sukcese sian propruman rajton al Leskovec. Post pereo de la monaĥejo Leskoves komune kun ĉirkaŭaj vilaĝoj fariĝis ekde la jaro 1575 posedaĵo de brumova sinjorujo. Dum la tridekjara milito famigis Leskovec-on Macek Ondra Jedlička, filo de ĉi tiea vilaĝestro. Tiu ĉi rabista hetmano kun sia bando rabis en ĉirkaŭaĵo de Olomouc. Tie li estis ankaŭ arestita, juĝita kaj en 1638 ekzekutita. Invado de tataraj kaj turkaj soldataroj gvidis en 1663 al dezertigo ne nur de Leskovec, sed ankaŭ de vilaĝoj en vasta ĉirkaŭaĵo. En 1673 la vilaĝoj transiris al vsetína sinjorujo kaj tie ili estis ĝis disfalo de superulara sistemo kaj ŝanĝo de la devenaj sinjorujoj je grandbienoj kaj bienoj.

Leskovec estas markita ankaŭ sur mapo de Johano Amoso Komenio el la jaro 1627. Sed ties aŭtoro faris eraron, kiam li lokigis la vilaĝon sur la mapo sude de Polanka.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	539
1880	513
1890	494
1900	492
1910	582
1921	573

Jaro	Loĝantoj
1930	592
1950	647
1961	743
1970	707
1980	679
1991	639

Jaro	Loĝantoj
2001	660
2014	665
2016	666
2017	661
2018	661
2019	665

Jaro	Loĝantoj
2020	661
2021	633
2022	635
2023	661
2024	677

Vivtenado

Ĉefa fonto de vivtenado de la loĝantoj estis ĝis komenco de la 20-a jarcento mastrumado en negrandaj agrikulturaj loĝejoj kaj hejma produktado de pipoj, ŝnuregoj kaj pli poste elhakado de felo por ŝuista fabriko de Baťa. El Leskovec estis translokigita en Valaĥian muzeon en naturo en Rožnov pod Radhoštěm hofera domo kiel modelo de loĝejo de la plej malriĉa valaĥia socia tavolo. La domo estis konstruita en duono de la 19-a jarcento.

La unua respubliko

En periodo de la unua respubliko komencis rapide disvolviĝi elektroteknika kaj maŝin-industrioj en la proksima Vsetín, kie akiris laboron vico de loĝantoj de Leskovec. Trafiko sur nove konstruita fervojo Vsetín - Bylnice estis komencita en 1928 kaj ekde tiu tempo Leskovec havas fervojan kunigon en la ĉeĥan enlandon kaj en Slovakion. En periodo de ekonomia krizo estis trafitaj agrikulturistoj kaj ankaŭ fabrikaj laboristoj. La ekonomia situacio komencis pliboniĝi pro komenco de produkto en nove konstruita Armilfabriko Vsetín senpere antaŭ la Dua Mondmilito.