Sten Johansson

Sten Johansson
Sten Johansson en 2007
Persona informo
Naskiĝo	1-an de aprilo 1950 en Kalmar, Svedio
Lingvoj	Esperanto
Nacieco	svedo
Ŝtataneco	Svedio
Okupo
Okupo	esperantisto
Esperanto
Verkis en Esperanto	novelojn, krimromanetojn, facil-legaĵojn kaj romanojn
Aliaj aktivaĵoj	oficisto
Esperantistiĝis en	1966

Sten JOHANSSON (naskiĝis la 1-an de aprilo 1950 en Kalmar, Svedio) estas Esperanta aŭtoro kaj tradukisto.

Li loĝas en Norrköping. Johansson laboris en urba administrejo, pri statistiko, prognozoj, analizado pri publikaj servoj.

Li kolektas informojn kaj recenzojn pri originala Esperanta literaturo kaj aŭtoroj ĉe http://esperanto.net/literaturo/. (OLE)

En 2018 li ricevis la premion Grabowski pro lia tuta verkaro kaj ĝia valoro por la Esperanto-kulturo kaj pro liaj tekstoj, kiuj helpas aliajn homojn verki. En 2022 li ricevis la Laŭron de la Akademio pro la romano Sesdek ok.

Verkoj

Originalaj

• Denaska kongresanorompita ligilo] (novelaro 1992)
  • La ĉokolada biskvito
  • Krokizo
  • La garantiulo
  • Denaska kongresano
  • Nils lapona
  • Kiu kaĉon kuiris ...
  • Spuro en blanko
  • La viro kiu restos
  • Renkontiĝo kun boaco
• Ĝis revido, krokodilido! (novelaro 1996)
  • Ĝis revido, krokodilido!
  • Bonan matenon!
  • Nokta halto
• Interkona mateno (teatraĵoj 1996)
  • Nepo benita
  • Savboato
• Mistero ĉe Nigra Lago (romaneto por infanoj 1997)
• Falĉita kiel fojno (krimromano 1997)
• Trans maro kaj morto (krimromano 1999)
• Neĝo kaŝas nur ... (krimromano 2001)
• La krimo de Katrina (facil-lega rakonto 2001)
• Dis! (romano 2001) (dua eldono 2015)
• Kion ajn (facil-lega rakonto 2002)
• Vojaĝo kun Katrina (facil-lega rakonto 2002)
• Memor' mortiga (krimromano 2003)
• Katrina malfruas (facil-lega rakonto 2004)
• Pasteĉo (25 beletraj stilpastiĉoj, 2005)
• Amaro (novelaro, 2005)
• Kroze - proze (esearo pri esperantlingva literaturo, 2013)
• Marina, Mondial, Novjorko, 2013, 187 p. ISBN 9781595692719.
• Skabio, Mondial, 2015. ISBN 9781595693006.
• El ombro de l’ tempo, Mondial, 2017. ISBN 9781595693419.
• Marina ĉe la limo, Mondial, Novjorko, 2018. ISBN 9781595693723.
• Sesdek ok, Mondial, Novjorko, 2021, ISBN 9781595694126
• Secesio, Mondial, Novjorko, 2021, ISBN 9781595694250. Temas pri provo esplori vivstrategiojn de homoj en loko kaj tempo, kiuj deklaras ilin malplivaloraj, dum la kresko de ekstremdekstraj reĝimoj en centra Eŭropo inter la du mondmilitoj.

Noveloj aperis en Tempo Fuĝas (1995), Sferoj 10 (2000), Fervoja katastrofo (2000) kaj Mondoj (2001).

Tradukitaj

• Hjalmar Söderberg: La kiso kaj 13 aliaj noveloj (1995)
• Pär Lagerkvist, Eyvind Johnson, Harry Martinson: Nobela novelaro (1995)
• Torgny Lindgren: La beleco de Merab (novelaro 1995)
• En la realo troviĝas truo. Nuntempa sveda novelarto (1996)
• Torgny Lindgren: La vojo de serpento sur roko (romano 1997)
• Benjamin Jacobsen: Inter tero kaj ĉielo. Kvin gajaj memoroj (facil-legaj noveloj 1997)
• Carl Jonas Love Almqvist: Tio konvenas! (romaneto 1998)
• Hjalmar Söderberg: Doktoro Glas (romano 1998)
• Hjalmar Söderberg: La pelto kaj 14 aliaj noveloj (1999)
• August Strindberg: Sonĝodramo (dramo 1999)
• Selma Lagerlöf: La mirinda vojaĝo de Nils Holgersson (2002)
• August Strindberg: Insulanoj de Hemsö (romano 2005)
• Hjalmar Söderberg: La serioza ludo (romano 2016)

Aliaj

Kontribuis al Monato kaj al BA1, BA3, BA30, BA31 kaj BA32 interalie.

Eksteraj ligiloj

Trovu « Sten Johansson » inter la Vizaĝoj de homoj rilataj al la ideo «Internacia Lingvo»

• Meti limon (sciencfikcia rakonto en Sferoj 10)
• Intervjuo kun Sten Johansson aperinta en La Ondo de Esperanto de novembro 2018