Fred de Geus
| Fred de Geus | |
|---|---|
| Persona informo | |
| Naskiĝo | 1953 |
| Lingvoj | nederlanda • Esperanto • angla |
| Ŝtataneco | Reĝlando de Nederlando 
|
| Okupo | |
| Okupo | komputosciencisto matematikisto esperantisto
|
Arian Fred de GEUS (naskiĝis en 1953,[1] vivas en Amsterdamo)[2] estis 26-jara aktivulo de Nederlanda Esperanto-Junularo, kiam li kunordigis la internacian tradukrondon por esperantigi la komikson Asterikso la Gaŭlo - kio ŝajnis esti simpla tasko - fine "nur" estis bildrakonto, desegnoj kun tekstoj en balono - montriĝis esti defio: internacia grupo de junuloj komparis la francan originalon kun diverslandaj tradukoj. En la grupo estis pluraj francoj kiuj povis klarigi kiom kultur-riĉaj la originalaj tekstoj de la verkisto Rene Goscinny estas. La grupo longe cerbumis, diskutis kaj sukcesis krei memstaran rakonton kun kiom eble plej multe da Esperantaj ŝercoj kaj kulturo ene de la kadro de la originalo. En la jaro 1983-1986 li unuafoje apartenis al la komitato de UEA [3] En 1985 li kvarobligis la komputilan kapaciton de la Grafika Centro Antverpena, respondeca interalie por kompostado de la magazino Monato - tiutempe li estis juna programisto de la malsanulejo en Groningeno.[4] En la periodo 1995-1998 li apartenis al la estraro de UEA kiel respondeculo pri financoj. Krome li multajn jarojn estis membro de la financa komisiono de UEA. La programo de la Germana Esperanto-Kongreso 2022 ankoraŭ informas ke li estas filo de Esperanto-gepatroj, studis matematikon kaj informatikon, kaj doktoriĝis en medicina fako.[1]