Alberto la 2-a (Belgio)
![](http://upload.wikimedia.org/wikipedia/commons/thumb/6/6e/George_and_Laura_Bush%2C_King_Albert_II_and_Queen_Paola_of_Belgium.jpg/220px-George_and_Laura_Bush%2C_King_Albert_II_and_Queen_Paola_of_Belgium.jpg)
Alberto la 2-a, plennome Alberto Felikso Humberto Teodoro Kristiano Eŭgeno Mario, nederlande Albert [albert], france Albert [alber] (naskiĝis la 6-an de junio 1934), frato de Baldueno la 1-a kaj edzo de la reĝino Paola, estis la sesa reĝo de la belgoj de 1993 ĝis 2013.
Alberto estas la dua filo de Leopoldo la 3-a kaj reĝino Astrid. Li je la 2-a de julio 1959 edziĝis kun la itala princino Paola Ruffo di Calabria kaj havas kun ŝi tri gefilojn (Filip, Astrid, Laurent). Krome oni ofte diras, ke li povas esti patro de Delphine Boël, filino de Sybille de Selys-Longchamps. Li longe rifuzis konfirmi ĝin kaj Delphine komencis proceson por testo de patreco.[1] La 27-an de januaro 2020 li post ekzameno de DNA agnoskis, ke Delphine estas lia filino[2]. En oktobro 2020, kortumo en Bruselo konfirmis ke ŝi estas filino de Alberto kaj do princino de Belgio[3].
Li iĝis reĝo je la 9-a de aŭgusto 1993 post la morto de sia frato Baldueno, kies verkon kaj personecon li evidente admiras. Tiutempe ankoraŭ vivis lia pliaĝa fratino Jozefino-Ĉarloto, sed la nuna belga leĝo, kiu permesas al virinoj la reĝan sukcedon, ankoraŭ ne validis pri ŝi. La 3-an de julio 2013 li anoncis sian abdikon, validante ekde la 21-a de julio 2013.
Ĝis antaŭ nelonge Alberto entuziasmis pri motorveturado kaj fieris pri sia motorciklo de marko Harley-Davidson. Nur post kor-operacio en 2000 li tre reduktis siajn veturadojn.
Vidu ankaŭ
- Belgaj eŭro-moneroj, ĉiuj kun la kapo de la reĝo en profilo.
|
Vidu ankaŭ
![](http://upload.wikimedia.org/wikipedia/commons/thumb/e/e6/Order_of_White_Eagle_Poland-Order_Star.jpg/22px-Order_of_White_Eagle_Poland-Order_Star.jpg)
Referencoj
- ↑ Delphine Boël volas finfine esti reĝidino. En: Die Welt. 18-a de junio 2013.
- ↑ RTBF: L'ADN a parlé: Albert II "arrête le combat judiciaire et accepte que Delphine Boël devienne son quatrième enfant".
- ↑ artikolo en Süddeutsche Zeitung, 2020-10-02