Robert Graves

Robert GRAVES (n. la 24-an de julio 1895, m. la 7-an de decembro 1985) estis angla poeto, romanisto kaj tradukisto.

Robert Graves
Persona informo
Robert Ranke Graves
Naskonomo	Robert von Ranke Graves
Naskiĝo	24-an de julio 1895 (1895-07-24) en Wimbledon
Morto	7-an de decembro 1985 (1985-12-07) (90-jaraĝa) en Deià
Tombo	Deià vd
Lingvoj	angla vd
Ŝtataneco	Unuiĝinta Reĝlando (Britio) vd
Alma mater	King's College School (en) Copthorne Preparatory School (en) Charterhouse School (en) St John's College Hillbrow School (en) vd
Familio
Patro	Alfred Perceval Graves (en) vd
Patrino	Amalie von Ranke (en) vd
Gefratoj	Philip Graves (mul) vd
Edz(in)o	Nancy Nicholson (en) (–1949) Beryl Pritchard (en) vd
Infanoj	Lucia Graves (en)  ( Beryl Pritchard (en) ) Catherine Graves (en)  ( Nancy Nicholson (en) ) Samuel Graves (en)  ( Nancy Nicholson (en) ) William Graves (en)  ( Beryl Pritchard (en) ) David Graves (en)  ( Nancy Nicholson (en) ) Tomás Graves (en)  ( Beryl Pritchard (en) ) Jennifer Graves (en)  ( Nancy Nicholson (en) ) Juan Graves (en)  ( Beryl Pritchard (en) ) vd
Profesio
Okupo	poeto literaturkritikisto militisto sciencfikcia verkisto mitologo verkisto universitata instruisto dramaturgo scenaristo romanisto tradukisto teatra kritikisto vd
Laborkampo	Literaturscienco vd
Aktiva en	Oksfordo vd
Verkado
Verkoj	Mi, Klaŭdio ❦ La Blanka Diino ❦ La Grekaj Mitoj vd
Honorigoj Honorigoj (1935)  Hawthornden Prize (en) (1934)  James Tait Black Memorial Prize (en)  Russell Loines Award for Poetry (en)  Reĝina Ora Medalo por Poezio vd
vd	Fonto: Vikidatumoj

Li estis la filo de Alfred Perceval Graces (anglo-irlanda ŝtatoficisto kaj aŭtoro de baladoj) kaj Amalie von Ranke, nevino de la germana historiisto Leopold von Ranke.

Vivo

Li naskiĝis en Wimbledon (distrikto de Londono) kaj studis ĉe St John's College (Oksfordo). Komence de la unua mondmilito li eniris la britan armeon kiel oficiro. Dum la batalo ĉe la Somme (1916) li tre grave vundiĝis (la instancoj eĉ raportis lian morton) sed iom post iom resaniĝis. Estis paciento en Somerville College (Oksfordo). Krom mallonga periodo en Francio, li pasigis la reston de la milito en Anglio.

Li estis amiko de la poeto Siegfried Sassoon, kiu heroe militis sed en 1917 faris publikan kontraŭmilitan deklaron. Robert Graves timis ke estus militproceso, kaj persvadis la armeajn instancojn ke Sassoon suferas pro obus-ŝoko (pro kiu Robert Graves mem iom suferis).

En 1918 Robert Graves edziĝis al Nancy Nicholson, fratino de la angla pentristo Ben Nicholson. Post la fino de la milito li revenis al St John's College por fini siajn studojn. Poste li malsukcese estris malgrandan butikon, antaŭ iĝi instruisto ĉe la universitato de Kairo. Tie lin akompanis lia familio kaj la poeto Laura Riding. Dum mallonga loĝado en Londono li kaj sia edzino disiĝis: Robert Graves kaj Laura Riding translokiĝis al Majorko. En 1936, komence de la Hispana Enlanda Milito, ili revenis al Anglio. En 1939 ili denove translokiĝis, al Pensilvanio, Usono.

Post reveno al Anglio, Robert Graves havis am-aferon kun Beryl Hodge, la edzino de Alan Hodge kun kiu Graves kunlaboris pri du libroj. Li edziĝis al Beryl en 1946, kaj li denove translokiĝis al Majorko la saman jaron. Tie Graves pasis la plejparton de la resto de sia vivo. Li mortis post longa malsano kaj malrapida mensa malplifortiĝado. Li kaj Beryl Hodge entombiĝis en Majorko.

La 11-an de novembro 1985, en Abatejo Westminster, senvualiĝis monumento memore al dek ses militpoetoj, inter kiuj estis Robert Graves.

Verkoj

Li akiris fruan famon pro poemoj pri la Unua Mondmilito. Poste li verkis multajn poemarojn, kies enhavoj plejparte traktis la temon de amo. Liaopinie liaj poemoj estis la plej grava parto de lia verkaro, sed ili estas malpli konataj ol pluraj prozaj libroj. En multaj poemoj li uzis tradiciajn vers-formojn kaj li ne estis modernisma poeto.

Liaj ĉefaj prozaj verkoj estas:

• Goodbye to All That (1929, reviziita 1957), kontraŭmilita priskribo de vivo en la tranĉeoj de la Unua Mondmilito.
• I, Claudius (1934) kaj Claudius the God (1935), romanoj pri la romia imperiestro Klaŭdio, kiuj inspiris televidajn seriojn kaj famigis la verkiston.
• Count Belisarius (1938), romano pri la bizanca generalo Belisario.
• The White Goddess (1948), malsimpla verko pri la rilato de mitoj kaj poezio.
• The Greek Myths (1955), ampleksa verko pri greka mitologio.