Jamunanagar

Jamunanagar, aŭ Jamuna Nagar,  prononco, hindie: यमुना नगर estas urbego kaj municipo en nordokcidenta Barato, en nordorienta parto de subŝtato Harjano, en la samnoma distrikto, kies sidejo ĝi estas.

Jamunanagar
urbo setlejo vd
Administrado
Poŝtkodo	135001
En TTT	Oficiala retejo [+]
Demografio
Geografio
Geografia situo	30° 8′ N, 77° 17′ O (mapo)30.12888888888977.280277777778 [+]
Alto	254 m [+]
Jamunanagar (Harjano) DEC Situo de Jamunanagar
Jamunanagar (Barato) DEC Situo de Jamunanagar
Alia projekto
Vikimedia Komunejo Yamunanagar [+]

Ĉefvojo en Jamunanagar

Demografio

En 2011 Jamunanagar havis 216 628 (kun la aglomeraĵo 383 318) da loĝantoj kun legoscio 86%, signife pli alta, ol la landa averaĝo.

Geografio

Jamunanagar situas en antaŭmontoj de Sivalikoj laŭ kanalo en averaĝa alteco de 255 metrojn laŭ la marnivelo. La rivero Jamuno fluas suden 10 km orienten de la urbo. Saharanpur troviĝas 30, Kurukŝetr 42, Ambala 50, Dehradun 75, Panĉkula 78, subŝtata sidejo Ĉandigaro 84, la najbara subŝtata sidejo Ŝimlao 110, tutlanda ĉefurbo Delhio 165, Mumbajo 1319, Kolkato 1386 kilometrojn (aere) [1].

Historio

Jamunanagar antaŭe estis nomita Abdullahpur. En 1947 post la dispartigo de Brita Hindio rifuĝintoj de la lastatempe formita Pakistano alvenis tien kaj la loĝantaro draste pligrandiĝis. La aparta distrikto estis establita en 1989.

Malnova strato

Ekonomio

Jamunanagar estas konata pro produktadoj de lignolamenoj kaj paperoj. La industrio produktas ne nur la necesajn maŝinojn al ili, sed ankaŭ sukermaŝinojn kaj ekipaĵojn por petrolkemiaĵoj, krome riparas fervojaĵojn. En la najbareco oni kultivas sukerkanojn, tritikojn, ajlojn kaj rizojn.

Lingvoj

En Jamunanagar la oficiala lingvo estas la hindia lingvo, al kiu aldoniĝis la angla kaj panĝaba lingvoj.

Religioj

Laŭ religioj en Jamunanagar vivas ĉefe hinduoj (83%), poste sikoj (10%), islamanoj (6%), iomete ankaŭ aliaj.

Stupao

Eduko

En Jamunanagar la plej altnivela eduko okazas en altlernejo kaj instituto.

Klimato

En Jamunanagar jare pluvas averaĝe po 1049 mm. En ĉiuj monatoj pluvas iomete, tamen pro la musono tre ofte en julio kaj aŭgusto. La jara meza temperaturo estas 24 °C. Nebulo estas ofta en decembro, januaro kaj februaro.

Altlerneja konstruaĵo

Trafiko

Jamunanagar havas 2 stacidomojn laŭ traira fervoja linio inter Saharanpur kaj Ambala. 5 ĉefvojoj kuras al la urbego. La internacia flughaveno troviĝas ĉe Ĉandigaro.

Vidindaĵoj

• pluraj preĝejoj, aparte menciinda stupao konstruita fare de reĝo Aŝoko
• Nacia Parko Kalesar

Fontoj

• WikiTrans