Itala Unuiĝo de Katolikaj Esperantistoj
La Itala Unuiĝo de Katolikaj Esperantistoj - itale Unione Esperantista Cattolica Italiana (UECI) - estas la italia branĉo de la Internacia Katolika Unuiĝo Esperantista (IKUE). Ĝi fondiĝis en 1920 en Bolonjo. Pro la forta enradikiĝo de la katolikismo en la itala socio kaj pro la fakto ke la "ĉefurbo de katolikismo" kaj la sidejo de la papo, Vatikano en Romo, situas en Italio, ĝi havas aparte gravan rolon en IKUE kaj ankaŭ en Itala Esperanto-Federacio. Interalie ĝi subtenas la Esperanto-elsendojn de la Radio Vatikana. La unuiĝo regule organizas kongresojn, kaj eldonas la revuon Katolika Sento (retpoŝte katolika.sento@ueci.it), kaj la anoj iam ankaŭ signife kontribuas al la internacia revuo Espero Katolika de IKUE, eldonata en Romo.
Historio
redaktiUECI estis fondita dum la 5-a kongreso de Italaj Esperantistoj, okazinta de la 3-a al la 5-a de oktobro 1920 en Bolonjo.[1]
La unua prezidanto estis Corrado Grazzini, kaj la unua sidejo estis en Florenco, kie loĝis la prezidanto.
Lastaj prezidantoj:
- †Giacinto Jacobitti, pastro
- †Albino Ciccanti, franciskana pastro (1965?-1987)[2]
- Carlo Sarandrea (1987-1994)
- †Mario Sola (1994-1998)
- Serio Boschin (1998-2003)
- †Giovanni Daminelli (2003-2019)
- Tiziana Fossati (2019-2023)
- Raffaele Del Re (2024-)
Katolika Sento
redaktiKatolika Sentoe estas periodaĵo de la Itala Unuiĝo de Katolikaj Esperantistoj (“Unione Esperantista Cattolica Italiana„ – UECI) [1], fondita en 1921. Dumonata, dulingva, kolora
Notoj kaj fontoj
redakti- ↑ Espero Katolika, Jaro 12-a No.11/12 (1920), p. 23 (ĉe Biblioteka Cyfrowa KUL). La sama novaĵo aperas ankaŭ en p. 3 de la sama revuonumero, sed en tiu paĝo la nomo de la unua prezidanto estas, verŝajne erare, pastro Modesto Eugenio Carolfi.
- ↑ Katolika Sento 1987 n.5
