Forbes

La anglalingva periodaĵo Forbes Magazine estas inter la plej sukcesaj magazinoj pri ekonomiko tutmonde. Ĝi havas sian ĉefan sidejon en la Kvina Avenuo de Novjorko en Usono. Plej granda konkuranto estas la magazino Fortune. La ISSN-kodo de la magazino estas 0015-6914.

Forbes
la centra konstruaĵo de la magazino Forbes en la Kvina Avenuo de Novjorko
revuo novaĵretejo
Komenco	15-a de septembro 1917 vd
Lando(j)	Usono vd
Sidejo	Nov-Jorko
Fondinto(j)	Bertie Charles Forbes • Walter Drey vd
Posedata de	Forbes vd
Partoj listo de miliarduloj, Forbes 400 (en) , Midas List (en) , Forbes Global 2000 (en) , Forbes Magazine's List of America's Best Colleges (en) , Forbes list of The World's 100 Most Powerful Women (en) , Forbes' list of the world's highest-paid athletes (en) , Forbes' list of the most valuable sports teams (en) , Forbes' list of the most valuable football clubs (en) kaj Forbes (en) vd
Retejo	Oficiala retejo

Historio

La magazino en la jaro 1917 fondiĝis fare de la skota enmigrinto Bertie Charles Forbes (1880–1954), kiu antaŭe laboris kiel priekonomia ĵurnalisto en la amaskomunikila konzerno Hearst. Post lia morto en 1954, lia filo Bruce Charles Forbes (1916–1964) transprenis la gvidadon de la magazina entrepreno. Post la morto de Bruce ties frato Malcolm Stevenson Forbes (1917–1990) transprenis la entreprenan gvidadon. Post ties morto, lia plej aĝa filo Steve Forbes (naskiĝis en 1947) iĝis prezidanto kaj entreprena gvidanto („Chief Executive“) de la firmao Forbes kaj ĉefredaktisto de la magazino.

Rangolistoj

La magazino konatas pro la multaj tie publikigataj rangolistoj pri diversaj temoj. La plej konataj el ili probable estas la "listo pri la plej influaj homoj de la mondo" kaj listo "la mondaj miliarduloj" pri la plej riĉaj personoj tutmonde. Krome aparte atentataj estas listo pri la 2000 plej grandaj entreprenoj de la mondo kaj "listo de la 100 plej potencaj virinoj tutmonde" (The World’s 100 Most Powerful Women). Kriterioj por la ordigo laŭ rango estas la apero en la mondaj amaskomunikiloj, kalkulite laŭ gazetaraj citaĵoj, kaj la politika kaj ekonomia influoj. En la jaroj 2004 kaj 2005 la pintan lokon en tiu listo havis Condoleezza Rice kaj Ŭu Ji. En 2006 Angela Merkel kiel novelektita kancelierino (ĉefministrino) de Germanio ricevis la pintan lokon kaj tenis tiun lokon en 2007, 2008 kaj 2009.

Vidu ankaŭ

• Listo de miliarduloj de la magazino

Eksteraj ligiloj

• Oficiala retejo (angle)