Abd al Malik
Abd al Malik estas la artista nomo de Régis Fayette-Mikano (nask. la 14-an de marto 1975 en Parizo), afrikdevena repisto.
Abd al Malik | |||||
---|---|---|---|---|---|
Persona informo | |||||
Naskonomo | Régis Fayette-Mikano | ||||
Naskiĝo | 14-an de marto 1974 (50-jaraĝa) en 14-a arondismento de Parizo | ||||
Religio | islamo vd | ||||
Lingvoj | franca vd | ||||
Ŝtataneco | Francio Respubliko Kongo ![]() | ||||
Alma mater | Universitato de Strasburgo ![]() | ||||
Familio | |||||
Gefratoj | Stéphane Fayette-Mikano (en) ![]() ![]() | ||||
Edz(in)o | Wallen (en) ![]() ![]() | ||||
Profesio | |||||
Alia nomo | Abd al Malik vd | ||||
Okupo | repisto filmreĝisoro verkisto kantaŭtoro diskografa artisto poeto ![]() | ||||
Aktiva dum | 1988– vd | ||||
| |||||
En TTT | Oficiala retejo vd | ||||
vd | Fonto: Vikidatumoj | ||||
Biografio
redaktiLa patro de Malik estis alta ŝtatfunkciulo el la Popola Respubliko Kongo. Inter 1977 kaj 1981, Régis Fayette-Mikano vivis kun sia familio en Brazavilo. Post reveno al Francio, li vivis en moderpreza loĝejo de la kvartalo Neuhof de Strasburgo. Kiam eksedziĝis liaj gepatroj, li vivis kun sia patrino kaj siaj ses fratoj kaj fratinoj. Deliktinto dum periodo (poŝoŝtelisto, drogvendisto), li studis en la kolegio Saint-Anne de Strasbourg, kaj poste en la liceo Notre-Dame des Mineurs kaj fine en la Universitato Marc Bloch de Strasburgo, en duobla kurso pri filozofio kaj klasika literaturo. Li fondis repgrupon NAP (New African Poets — Nov-Afrikaj Poetoj, N.A.P.), kiun li estris.
Abd al Malik elektis sian scenejan nomon reference al sia persona naskiĝnomo "Regis" , kiu signifas "reĝo" en la latina dum en la araba ĝi estas "Malik". Li edziĝis kun la kantistino Wallen (kantistino) kaj estas patro de knabo, Muhammed Hamza.
Muzika kariero
redaktiDenaske kristano, Abd al Malik multe inspiriĝis el islamo (Sufismo al kiu li konvertiĝis dum la adoleska periodo. De tiam, Abd al Malik aktivas por paco kaj kunvivado.
Li fariĝis oficiale, en 1999, disĉiplo de la granda spirita maroka Majstro Sidi Hamza al Qâdiri Boutchichi. Li daŭrigas nun sian karieron sola.
Lia serioza stilo estas ne vere klasifikebla pro mikseco de repo, ĵazo kaj slamo kun referencoj al franclingvaj kantistoj el kiuj Jacques Brel.
En liaj kanzonoj, la teksto estas forta, sencoriĉa kaj emociplena; la muziko plifortigas la intensecon de liaj vortoj, foje kantitaj, foje parolataj.
Lia estika kondutlinio por la kreado de sia albumo Gibraltar konsistis ''malkonstrui en la formo la nocion mem de la repo restante tamen hiphopo". Li ekkonsciis ke en la slamo, same kiel en islamo, li estis "en pozicio aperi kaj ne esti“, " ĉar tro malkvieta pri la reago de la publiko, zorgoplena pro la opinio de la homoj. “Necesis al mi malkonstrui por rekonstrui". Sed nenio bona povas eliri ekster amo kaj akcepto de la alia" [1].
En novembro 2007, dum intervjuo, li anoncis sian engaĝiĝon kontraŭ nelegoscieco kadre de nova projekto kiun li nomis BENI SNASSEN, konsistanta el N.A.P, Wallen, Bil'in, Hancho, Matteo Falkone kaj li mem [2].
En majo 2008, li partoprenis en la albumo Last Night de Moby sub la titolo "La même nuit" (La saman nokton, franclingva versio de la titolo "Alice").
En januaro 2008, li estis ordenita fare de Christine Albanel, ministrino pri Kulturo, kavaliro pri artoj kaj beletro dum la MIDEM [3].
Verkisto
redaktiAbd al Malik estas ankaŭ aŭtoro de aŭtobiografia libro aperinta en 2004 : "Qu'Allah bénisse la France" (Alaho benu Francion; eld. Albin Michel), en kiu li liveras klarigojn pri sia evoluo kaj vivo. Li pledas por pripensita islamo tolerema kaj akceptanta la integriĝon. Li ricevis pro ĝi la premion Laurence Trân en Belgio. La kritiko reagis pozitive. En prezento de sia libro, li skribis : "La duopa debato de la koroj, tio estas unue galanta rendevuo kun si mem... Mi revenas de tie, kie oni neniam estus devinta foriri : Paco, Amo kaj Unueco... La Hiphopo estus unue - mi pardonpetas - spirita... Esti kapabla preterpasi sian kondiĉon, siajn alkutimiĝojn, kaj renkonti la Aliulon per la muziko. La Repo estas mia arto“
Diskografio
redakti- 2004 : Albumo "Le Face à face des cœurs" (Universal Music Group / Universal Music France)
- 2006 : Albumo "Gibraltar" (Atmosphériques)
- 2008 Albumo "Dante" (Polydor)
Rekompencoj
redakti- 2004 : Premio Laurence Trân en Belgio por la romano Qu’Allah bénisse la France.
- 2006 : Premio Constantin kaj Premio de la Akademio Académie Charles-Cros por la albumo "Gibraltar".
- 2007 : Trofeo Hiphop Europe 2 de la plej bona slamisto 2006.
- 2007 : Victoires de la musique, kategorio "Musiques urbaines" (urbaj muzikoj) por la albumo "Gibraltar".
- 2007 : Prix Raoul Breton aljuĝita de SACEM [4] por la albumo Gibraltar.
- 2007 : Trofeo de la plej bona albumo aljuĝita de Césaire[5] de la musique por la albumo "Gibraltar".
- 2008 : Ordenita Kavaliro de la Artoj kaj Beletroj fare de la Ministrino pri Kulturo Christine Albanel.
Notoj
redakti- ↑ (Intervjuo kun Pierre Delanoë ĉe France Inter, julio 2006.
- ↑ Interview de Abd al Malik, 5styles, nov.2007. (fr) PDF
- ↑ MIDEM : Marché International de la Musique — Internacia Merkato pri Muziko.
- ↑ SACEM : Société des Auteurs, Compositeurs et Éditeurs de Musique — Societo de la Aŭtoroj, Komponistoj kaj Muzik-eldonistoj.
- ↑ "Les Césaires de la Musique", aŭ, mallonge, "Les Césaires", estas muzika ceremonio kreita memore al Aimé Césaire por rekompensi franclingvajn nigrulajn artistojn kaj rimarkindulojn. La premioj estas aljuĝitaj tiuokaze al meritantoj.
Eksteraj ligiloj
redakti- (fr) Oficiala retejo de la artisto
- (fr) Blogo pri Abd Al Malik Arkivigite je 2008-12-24 per la retarkivo Wayback Machine
Fonto
redaktiLa baza materialo de tiu artikolo fontas el fr:Abd Al Malik