Vai al contenuto

Lita Ford

Da Wikipedia.

C'l artìcul chè 'l è scrit in Miranduléś Emiliàn


«
I get so scared inside and I don't really understand, is it love that's on my mind, or is it fantasy. Heaven is in the palm of my hand and it's waiting here for you, what am I supposed to do with a childhood tragedy. If I close my eyes forever will it all remain unchanged, if I close my eyes forever would it all remain the same?»
(EN)(Close my eyes forever, 1988)
«
A gh'ò acsè tanta paùra dèntar e a n gh la cav propria minga a capìr, è'l amōr quél ch'a gh'ò in tèsta o è-la sōl fantaśìa? Al Paradìś 'l è chè in dal palmùs dla maṅ e al ta spéta, cuśa gh'arév-j-a da far-'g in na tragèdia da putèṅ? S'a sarìs i mè òć par sèmpar, armagnrév-al cumpàgn dal tut?»
(MUD)
La Lita Ford tòlta śò in dal 2009


La Lita Ford (Streatham al 19 ad Setémbar dal 1958), in cumùṅ la s ciàma Lita Rossana Ford, l'è na cantànta e chitarìsta heavy metal americàna cun di urìgini ingléśi e itagliàni. Sò màdar la s ciàma Isabella (Lisa) mèntar sò pàdar 'l éra 'n militàr ingléś.

L'à tacâ la sò caréra in dal grup dal Runaways dla Joan Jett ma pò l'à cuntinuâ da par lē, tucànd al màsim dal sucès c'n al disc Lita e 'l sìngul Kiss me deadly.

In dal cōrs dal tèmp la s è misa insém a Nikki Sixx di Mötley Crüe, a Tony Iommi di Black Sabbath, a Joe Lynn Turner di Rainbow, a Chris Holmes di W.A.S.P. e a Jim Gillette di Nitro e cun chi lò la gh'à abû anc dū fiōi anc se pò l'à divursiâ in dal 2011.

Biugrafìa

Gl'Inìsi

Dòp ch'al Runaways i s éran mulàdi in dal 1979, la Lita la taca na caréra sulìsta firmànd par la Mercury Records e miténd insém al sò grup, al basìsta canadéś Neil Merryweather e al baterìsta Dusty Watson. Cun chi dū lè la regìstra al sò prim disc in dal 1983, Out for Blood (Fóra p'r al sangṿ), 'n àlbum pēś ma pasâ sénsa lasàr trasa anc parchè la sò cà discugràfica la n s éra minga impgnàda dimóndi par cuciàr-'l in élt.

«
You never won a battle so don't fight with me 'cause you ain't really nothing, tried to tell you that before so get your ammunition 'cause I'm ready for war, wasting my time, frying my mind and I am not, so what you take me for? I'm out for blood.»
(EN)(Out for Blood, 1983)
«
Ta n à mai vins na batàja alóra minga cumbàt'r-um parchè at sē gnit dabòṅ, a-j-ò pruâ a dir-'t-al prima acsè at psiv tōr al munisiòṅ parchè mè a sòṅ prónta par la guèra, butànd via 'l mè tèmp, friśénd la mè tèsta ma a n sòṅ minga acsè alóra par chi m à't tòlt? A sòṅ fóra p'r al sangṿ.»
(MUD)

In séguit la tōś al basìsta Hugh McDonald e al baterìsta Randy Castillo e in dal 1984 la fà gnir fóra al secónd disc Dancin' On The Edge (Balànd a 'l lìmit). 'L àlbum al véd la partecipasiòṅ ad Jeff Lieb in dla scritùra di braṅ e 'l uś ad sintetiśadōr al rénd al sòṅ più alśēr. I sìngui i èṅ Gotta let go, Dressed to kill e Fire in my heart. La Lita la gh la cava a partìr par di cuncèrt in Europa a fiànc di Rainbow e di Black Sabbath ma, durànt al tour, Castillo al la mòla e al vèṅ rimpiasâ p'r Eric Singer, in séguit c'n i Kiss.

«
I'm gettin' ready, nobody's gonna stop me, can't ya, feel the fire burnin', now's the time to start rockin', so if you want to be the main attraction, all you need's a little chain reaction, you and I can set the night on fire. Now you gotta let go, yeah you gotta let go, well you gotta let go if you really want to rock tonight.»
(EN)(Gotta let go, 1984)
«
A sòṅ prònta, ninsòṅ a m pōl farmàr, e tè?, sènt al fōg ch'al bruśa, adès 'l è 'l mumènt ad dar inìsi a 'l rock, alóra s'at vō èsar l'atrasiòṅ più granda, a gh vōl na reasiòṅ a cadéna, insém a psém impisàr la nòt c'n al fōg. Adès at gh'à da dar-at na mòsa, sè at gh'à da dar-at na mòsa, bòṅ, at gh'à da dar-at na mòsa s'at vō dabòṅ al rock stasìra.»
(MUD)

Al sucès

Lita Ford da 'l viṿ

Al sò tèrs àlbum al s ciàma Lita e al véd la luś in dal 1988 par la RCA Records. La Lita l'iva tòlt in cal perìud lè la Sharon Osbourne, mujér 'd Ozzy, cuma manager e l'iva dâ a mènt a i sò cunsìli ad tōr di artista bòṅ par lauràr in dal disc, cuma Myron Grombacher, baterìsta ad Pat Benatar e di Vinnie Vincent Invasion, David Ezrin a 'l tastéri e Ozzy Osbourne stés p'r un duét. Al chitarìsta 'l éra Steve Fister, ch'in pasâ 'l iva tintâ, sénsa sucès, ad sunàr pròpria c'n al “Madman”. Anc a livèl ad scritùri, al disc al mét in fila di pès gròs: Nikki Sixx di Motley Crue (un tèmp sò muróś) e Lemmy Kilmister di Motörhead.

Al disc 'l è più melòdic ad chi àtar e, anc par via ad sìngui ad sucès cuma Kiss me deadly (dimóndi traśmìs a la raddio), Back to the cave e Close my eyes forever (cantâ insém a Ozzy), al vénd un muć. Insém a chi pès lè, al disc al pōl cuntàr anc su la rabìda Can't catch me e su la dura Blueberry. Anc par via dal sucès dimóndi grôs ad cal lavōr chè, la Ford la pōl sunàr insém a i Poison in di Stat Unî e a i Bon Jovi in Europa in dua la tira śò, p'r al marcâ d'l home video, un sò cuncèrt ingléś dal 1989 a 'l stadi ad Wembley.

«
Had a few beers getting high, sitting watching the time go by uh-huh, it ain't no big thing, nothing to eat and no T.V., looking in the mirror don't get it for me, uh-huh, it ain't no big thing, but I know what I like, I know I like dancing with you and I know what you like, I know you like dancing with me oh yeah, kiss me once, kiss me twice, come on pretty baby kiss me deadly.»
(EN)(Kiss me deadly, 1988)
«
A gh'iva un para 'd biri par tiràr-um sù, a séra sintàda a guardàr al tèmp ch'a pasàva, uh-huh, a n éra minga un gran lavōr, gnint da magnàr e gnanc la televiśiòṅ, guardàr in dal spèć a n éra briśa na ròba par mè, uh-huh, a n éra minga un gran lavōr, ma a sò quél ch'a m piàś, a m piàś balàr tèg, e a sò quél ch'at piaś a tè, at piàś balàr mèg, sè, baś-um na vòlta, baś-um du vòlti, dai mò bèl ragàs mas-'m ad baś.»
(MUD)

I an Nuànta

La Ford la sòna in dal Dicémbar dal 1988

Al 26 ad Śugn dal 1990 la Lita Ford la spóśa Chris Holmes, al chitarìsta di W.A.S.P., e sèmpar in c'l an lè la fà vgnir fóra al sò quart disc intitulâ Stiletto, 'n àlbum fat bèṅ ch'al gh'à dènt'r i sìngui Hungry (dimóndi malisióśa) e Lisa (p'r arcurdàr sò màdar), la cover 'd Alice Cooper Only women bleed e di àtar braṅ sòlid cuma Stiletto, Dedication e Cherry red, quésta chè druàda anc in 'n epiśòdi dla telenuvéla Beautiful sensa che lē la saìs gnint.

«
My nylons are melting down my legs, your heart is pounding at my throat, I can't catch my breath, I lost it when your fingertips ran down my back and up my neck, your kiss makes me feel like this. I'm so hungry for your sex, I'm so hungry for your sex, I got an appetite for love tonight, I wanna taste your sweet thing, I wanna feel the sting of your sex, of your sex.»
(EN)(Hungry, 1990)
«
I mè calsét ad réda i èṅ drē a vgnir śò da 'l gambi, al tò cōr al bat fòrt in dla mè góla, a n pòs minga tgnir fér'm al mè fiâ, a 'l ò pardû quànd i tò dî i m curivàn śò da la schina e lung al mè còl, al tò baś al m fà sintìr acsè. A gh'ò acsè fam ad cal tò sès, a gh'ò acsè fam ad cal tò sès, stasìra a gh'ò 'n apetìt 'd amōr, a vój tastàr cla tò ròba acsè dólsa, a vój sintìr al bśi dal tò sès, dal tò sès.»
(MUD)

Purtròp al disc al n à minga abû di riscóntar bòṅ in dal vénditi anc se pò la Lita la s è tòlta listés la sudisfasiòṅ ad cumparìr in dal Circus Rock Hall of Fame, prima dóna dla stòria dal rock a psēr dir 'd avér-g-la cavàda a mét'r-as in bisàca cal tìtul lè.

In dal 1991 la Lita la divòrsia e la taca a lauràr a 'l disc nóṿ, Dangerous Curves (Curvi periculóśi), nóm tòlt in prèst da 'l tìtul dna canta ad Sammy Hagar di Van Halen ch'al l'iva scrita pinsànd a lē. Ma 'l pùblic in cal perìud lè al gh'à di àtar gust, al va adrē a i Nirvana e a 'l grunge, e anc c'l àlbum chè, pîṅ ad côr in di riturnèi e dedicâ a sò genitór mòrt, al n vénd minga abàsta e 'l è 'n pcâ parchè al gh'iva dèntar di braṅ minga mâł cuma i sìngui Shot of poison, Playing with fire, Larger than life, la canta Bad love, ch'la dascurìva di prubléma cun sò marè, e 'l braṅ Little too early, scrit cun Joe Lynn Turner e Ritchie Blackmore.

«
I'm savin' all my passion for you, I got a heart break habit that I can't kick, only you can ease the pain, I'm a midnight animal trying to score, before I go insane give me one shot of poison, a little twist is all I need, one drop of your sweet poison, sets me free, one shot of poison, a little taste of paradise, one drop of your sweet poison satisfies. Give me one last kiss before I die.»
(EN)(Shot of poison, 1991)
«
A-j-ò mis da part tuta la mè pasiòṅ par tè, a gh'ò 'l visi ad sćiancàr i cōr a n pòs far-ag gnint, sōl tè at pō calmàr al dulōr, a sòṅ na bèstia dla meśanòt ch'la próa a marcàr al teritòri, prima ch'a dvénta séma dà-'m un cólp ad vlèṅ, un quasamintèṅ 'l è quél ch'a m vōl, na gósa dal tò dóls vlèṅ, la m rénd libra, un cólp ad vlèṅ, na tastadìna ad Paradìś, na gósa dal tò dóls vlèṅ la fà cuntènt. Dà-'m 'n ùltim baś prima ch'a mōra.»
(MUD)

In dal 1994 la Carmelita la cgnós Jim Gillette (ex cantànt di Nitro) in un club ad Dallas e la 'l spósa dòp dū stmani. Chi lò al fà pò i côr in dal disc nóṿ ad sò mujér, Black (Négar), 'n àlbum pîṅ ad sòṅ grunge e alternative rock, ch'al vèṅ fóra sóta n'etichéta tedésca, la ZYX Records.

In dal 1997 a nas sò fiōl James Leonard Gillette e la Lita la regìstra dū cover di Led Zeppelin, Whole lotta love e Rock & roll, par la compilation Stairway to Heaven. La sa stablìs in Flòrida e in dal 2001, la gh'à 'n àtar putèṅ.

I an Dumìla

La Lita a 'l Gods of Metal dal 2009

In dal Maǵ dal 2000 la Lita la fà vgnir fóra al sò prim disc da 'l viṿ Greatest Hits Live! ch'a ś vèra però cun 'n inèdit in studi, Nobody's Child. I àtar trédas braṅ i èṅ live e i èṅ stâ rigistrâ in dal sud dla Califòrgna, 'l è fàcil durànt al tour dal disc Dangerous Curves.

In dal Mars dal 2009 la firma 'n cuntràt par la Collier Entertainment ad New York e la diś a tut ch'l'è prònta a far gnir fóra un disc nóṿ, a quìnd'ś an da 'l àlbum precedènt.

«
A sòṅ dvintàda madùra cuma parsòna e la l'è anc la mè mùśica. I tèst i èṅ dimóndi sćèt. I dascóran dla mè vita... beh, dal ròbi ch'i sucédan quànd i putèṅ i vàn'n a durmìr e mè e mè marè a 'ndém in dla cambra da lèt.»
(La Lita Ford la cònta cum al sarà al disc nóṿ)

In d'l Agóst dal 2009 a véd la luś Wicked Wonderland (Paéś dal maravìi catìvi), cun quìndas braṅ dèntar e in du a canta anc sò marè. Al cansòṅ più impurtànti i èṅ al sìngul Crave, Patriotic SOB (in dua la sòna p'r un mumènt un pès d'l inn americaṅ cun la sò chitàra lètrica), Scream 4 me e Bed. Na versiòṅ limitàda in vinîl la vèṅ fóra in Utóbar, cun dū pès tòlt via e i àtar misćiâ in na manéra difarénta.

«
Spank me cuz I like it, my soul is haunted, dancing with the devil, dress I disappear, I have been such a bad boy, hate is love love is hate, open your mind, I pin the hate. Tie me to the bed, make my eyes roll, look at my head.»
(EN)(Bed, 2009)
«
Dà-'m dal patóni ch'a m piàś, la mè anma l'è usesiunàda, balànd c'n al diàvul, vistî ch'i sparìsan, a sòṅ stâ 'n putèṅ catìṿ, 'l òdi 'l è amōr e 'l amōr 'l è òdi, vèra i tò pinsēr, mè a tac 'l òdi. Lég-'m a 'l lèt, fà prilàr i mè òć, guàrd-um la tèsta.»
(MUD)

In dal Favràr dal 2011 la Lita la diś in n'intervìsta ch'l'è drē a pasàr un brut mumènt parchè l'è drē a divìd'r-as da sò marè dòp sed'ś-an ad matrimòni e ch'un sò àlbum nóṿ 'l è bèla prònt par vgnir fóra. Al tìtul al gh'arà da èsar The Healing e al dascurarà ad càncar, malatìi, pèrdidi e separasiòṅ ma cun la vója ad dar curàǵ a chi àtar. Invéci a n và mia acsè parchè al sò utàṿ lavōr in studi al pòrta 'l nóm ad Living Like a Runaway e 'l è prònt in dal Śugn dal 2012. La versiòṅ digipak la gh'à anc na bonus track, la cover 'd Elton John The Bitch Is Back.

Discugrafìa

In studi

Da 'l viṿ

Racòlti

Videugrafìa

  • 1989 Lita Video
  • 1990 A Midnight Snack
  • 1991 Dangerous Videos Vol.1
  • 2003 Complete Video Collection

Culegamènt estéran in ingléś

Estratto da "https://eml.wikipedia.org/w/index.php?title=Lita_Ford&oldid=134313"