Storia di Piera
|
C'l artìcul chè 'l è scrit in
Miranduléś |
 Storia di Piera
| ||
 La Schygulla e l'Huppert in na figùra dal film | ||
| Stòria dla Piera 1983 | ||
|---|---|---|
| Regìa: Marco Ferreri | ||
| Scritōr: Piera Degli Esposti • Dacia Maraini | ||
| Atōr: Hanna Schygulla • Marcello Mastroianni Isabelle Huppert • Angelo Infanti • Tanya Lopert Maurizio Donadoni • Loredana Berté • Aïché Nana | ||
| Müsica: Philippe Sarde | ||
| Léngua: Itagliàṅ | ||
| Dürä dal film: 107 minüt | ||
| Nasiōṅ: Itàglia • Frància • Germàgna | ||
Storia di Piera (Stòria dla Piera) 'l è 'n film dramàtic dal 1983 ad Marco Ferreri preśentâ a 'l 36śum Fèstival ad Cannes in dua l'Hanna Schygulla l'à purtâ a cà al prèmi par l'iterpretasiòṅ dal fémni fata méj.
La pelìcula l'è trata da 'l rumànś umònim dla Piera Degli Esposti e dla Dacia Maraini in dua a s cònta la vita dla prima. Invéci 'd èsar giràda a Bulógna però la stòria l'è chè ambintàda a Latìna e in dal Lasi.
In dal film a gh'è anc na śóvna Loredana Berté ch'la canta Sei bellissima.
Sunt
Lorenzo (Marcello Mastroianni) e l’Eugenia (Hanna Schygulla) i èṅ marè e mujér e i gh'aṅ di prubléma in famìja, óltar che na fiōla ch'la s ciàma Piera (Isabelle Huppert). L’Eugenia l'è na mèśa mata e la và da spés, sénsa vargóggna, cun tut i óm ch'la cata, purtànd-'s adrē sò fiōla méntar lò al tîṅ a drē a la pulìtica p'r al partî cumunìsta ma 'l và in daśgràsia parchè i "cumpàgn" i n s cumpatìsan mia cla rója ad sò mujér.
Lorenzo al patìs tut i còran ch'la gh fà ma al n gh la cava minga a star sénsa 'd lē e al pòrta pasìnsa.
Quànd tut i dū genitōr i finìs'n in manicòmi (lò p'r al daśpiaśēr, lē par di elettroshock), la Piera, dvintàda granda in cal méntar, dòp avér pruâ a dvintàr na sarta, la gh'à sucès a teàtar.