Moór

Artìcol in dialètt pramsân

Moór
Un moór biânc.

Clasificasión siéntifica
Dominì	Eukaryota
Rèign	Plantae
Sotà-rèign	Tracheobionta
Supar-división	Spermatophyta
División	Magnoliophyta
Clâsa	Magnoliopsida
Órdin	Urticales
Famija	Moraceae
Genór	Morus

Un filär ed moór.

Béga da séda c'la magna 'na foja 'd moór.

I moór i én dil pianti dal gènór Morus L. origineèri ed l'Âsia. I én pianti ch'in gènór i vénén tradisionalmént scalvädi bâzi bombén, mo ch'i pólén rivèr anca a 20 mètór d'altèsà s'i én lasèdi stär, spécialmént chi biânc. I moór i pólén scampèr anca sé-sént âni in natura, cui scalvè dificilmént i pasén i sént-sinquanta.

Il foij di moór i s'drovèvén in t'il bgäri par där da magnär a il béghi da séda, e par col motiv chi a ghé pinn éd filär ed moór in gîr par al Piàn Padàn. I filär, vist ch'i ghérén, i s'drovevòn anca par tgnîr in pé il vîdi.

I frutt ed moór i vénón ćiamè moór c'me la piânta e i polón isór nigór (in t'la sòrta Morus nigra), biânc (Morus alba) o ròss (Morus rubra). Al frutt in t'la forma e, ätor che par chi nigór e ròss, anca in t'al coloór, al ricorda il mòri dil râsi che parò in gènór i én più zèrbi.