Quelltext der Seite Die Schedelsche Weltchronik (deutsch):091

{{Die_Schedelsche_Weltchronik_(deutsch)|korrigiert|090|091|092|BLATT=XCI}}

== XC verso:  ==

<div style="text-align:center">'''Das funft alter'''</div>

<div style="text-align: justify;">
'''A'''grippa oder Colonia. das ist Co<sup>e</sup>ln. auff der lingken seyten amm Rheyn ist nit allain der gegent vnnd des gelegers. sunder auch des fluss vnnd volcks halben ein ho<sup>e</sup>hberu<sup>e</sup>mbte vnd achpare statt in nidern te<sup>e</sup>tschen landen gelegen. die hat (als Sicardius cremoneus helt) zu den zeiten Enee des Troyaners. von einem Troyanischen Colonus genant den anfang genomen. vnd ist darnach auß gehaiß vnd gescheft Claydij des ro<sup>e</sup>mischen kaysers. der dann ein gemahel der frawen Agrippine was. als das volck Vbij genannt von den schwaben veriagt wardt. geauffet vnd besteu<sup>e</sup>ret. vnd von derselben frawen auß irem geslecht herkomen Agrippa genant worden. vnd also hat das volck Vbij daselbst zewonen angehebt. aber die warhaftigern vnd glawbwirdigeren geschihtbeschreiber alle sagen. das. M. agrippa ein stiffter diser statt gewesen sey. dann wiewol er anhayms vnd außwendig vil achtperer gepew auffgerichtet hab so hab er doch dise statt von allen andern die wirdigern gesetzt. nach seinem namen genent zewerden. dann er was ein trefflicher vnd werder pawmeister vnd kriegsman gehalten. den ime der keyser Augustus zu einem ayden: oder tochterman seiner geliebten ainigen kayserlichen tochter auß der gantzen werlt erwelet. Derselb ordnet dise statt wider die statt Tryer machtiglich. das er darauß die feindschafft vnd zwitrachtigkeit der Gallier stillen vnd nidertru<sup>e</sup>cken mo<sup>e</sup>cht. Aber lang darnach hat Hildericus der konig zu frankreich Egidij des Ro<sup>e</sup>mers gu<sup>e</sup>nner vnnd anhenger auß diser statt Co<sup>e</sup>ln vertriben daselbsthinein Frantzosen  gesetzt. vnd auß der Frantzosen einwonung. dem latein nach Coloniam genennt. wiewol ettlich sagen. das die. der Ro<sup>e</sup>mer einwonung gewesen sey. Dise statt ist eins mals. dieweil sie der ro<sup>e</sup>mer gesellin was mit wunderperlichen fewr verzert worden. darinn waren ein Capitolium:gepew vnd gewonheiten gleich den Ro<sup>e</sup>mern. inmaßen dann allain das dort rate des frids vnd kriegs gehandelt warden. so pflegen abhie hohberu<sup>e</sup>mbt iungling vnd iunckfrawen got dem almechtigen nachtlichs lob in ewiger ayntrachtigkeit zesingen. Alda enmitten in der statt syht man den scho<sup>e</sup>nsten vnd doch nochmals nit gar außgepawen tempel. den sie den hohstifft nennen. daselbst sind der heyligen dreyer konig leichnam. vomm aufgang bis zum nidergang des sunnen in dreyen spru<sup>e</sup>ngen dahin gefu<sup>e</sup>rt. die dann (als wir lesen) den himlischen konig ettwen in der krippen wechtzende mit gaben geeret haben. Diss ist ein freyhe vnd namhaftige ertzbischofliche hawbtstatt. Der ertzbischoff daselbst ist ein curfu<sup>e</sup>rst des heiligen ro<sup>e</sup>mischen reichs vnd ein weler yezuzeiten eins ro<sup>e</sup>mischen konigs. Daselbst haben vil menschen an kunst vnnd heiligkeit geleu<sup>e</sup>chtet. als sand Seucrinus daselbst bischoff. vnd Albertus magnus. des leichnam bey den predigern ligt. alda haben fu<sup>e</sup>nftzig auß der schar Thebeorum ir leben geendet. So hat sand Vrsula mit den aylfftausent iunckfrawen. vnnd etliche andere daselbst die kron der marter verdient. aber sich ist zeuerwundern der burgerlichen syttlichkeit. gestalt
</div>
<br style="clear:both"/>

== XCI recto:  ==

<div style="text-align:right">'''Blat  XCI'''</div>
<div style="text-align:center">'''der werlt'''</div>

<div style="text-align: justify;">
{|
|-
|valign="top" width="47%"|
der statt tapfferkeit der mann vnd der weiber hu<sup>e</sup>bschheit vnd sauberkeit daselbst. Von einer alten gewonheit der weiber alda schreibt Franciscus petrarcha der es gesehen hat. dann an sand Johanns der tauffers abent so die sunn nidergeet so samelt sich ein vnglewpliche große menig der weiber amm gestadt des fluss die tuncken denn mit auffgestraiffen ermeln bis hinder den elenpogenn wolriechende krewter darein vnd waschen ir schneweiß hennd vnd arm darauß vnd werffen alle anligende widerwerdigkeit des gantzen iars hinein. das der fluss dieselben hinfu<sup>e</sup>ren vnd fu<sup>e</sup>rbas fro<sup>e</sup>lichkeit bringen sol. O ir zeuil seligen nachpawrn des rheins der euch ewrer du<sup>e</sup>rftigkeit also reinigt vnd abwescht. das doch weder in oberm teu<sup>e</sup>tschen land die thonaw noch in welschen landen der Padus. oder die Tiber iren nachpawrn nie thu<sup>o</sup>n mochten. Bey Co<sup>e</sup>ln ist ein stat Ach genannt. ein stu<sup>o</sup>l des großen kayser Karls. vnd daselbst in einem marmolsteinem tempel ein wunderwirdiges grab desselben fu<sup>e</sup>rsten. derselb hat geordnet das sein nachkomen amm reich daselbst die ersten kron vnd wirdigkeit des ro<sup>e</sup>mischen kayserthumbs annemen sollen. als dann noch hewt bey tag beschiht vnd fu<sup>e</sup>ro beschehen wirdt. alle dieweil die teu<sup>e</sup>tsch nacion den zawm des Ro<sup>e</sup>mischen reichs hanthabt.
|valign="top" width="6%"|&nbsp;
|valign="top" width="47%"|
[[Image:Nuremberg chronicles f 090r_1.png|left|100px]]
'''L'''. Pomponius ein geschihtbeschreiber vnd wolredner ist zu disen zeiten achtper gewesen. als Eusebius setzt. der hat ein buch gemacht drinn er außgemessen wie weit ein statt von der andern lige.

'''L'''eoneus was ein hohgelerter grammaticus vnd ein gefreyter Gn. pompey. der hat auß befehl desselben pompey seins herren ettliche außlegung in der ertzney die dann pompeyus nach vberwindung Metridaris in seiner beheltnus fande in latein gebracht. dann Metridates was auff die ertzney geflissen also das er von allen seinen vnderthanen ertzney erforschet. vnd die beschreibung vnd auffzaichnus derselben in seinen gesperren verließ.

'''A'''grippa ein tochter ma Octaviani ein außpu<sup>e</sup>ndiger pawman. hat in seiner pawmeisterschaft zu rom vil gepew vnd vnder andernn vij<sup>c</sup>. see gemacht vnd der statt Co<sup>e</sup>ln iren namen nach ime. als obgeschriben steet gegeben.
|}

[[Image:Nuremberg chronicles f 090v91r_1.png|center|700px]]
</div>
<br style="clear:both"/>
----
<div style="font-size:85%">
<references/>
</div>