John Gotti

John Gotti
John Gotti
Ganwyd	John Joseph Gotti, Jr. ; 27 Hydref 1940 ; Y Bronx
Bu farw	10 Mehefin 2002 ; Springfield
Dinasyddiaeth	Unol Daleithiau America
Alma mater	Franklin K. Lane High School ;
Galwedigaeth	gangster, extortionist
Swydd	capo dei capi, godfather
Taldra	178 centimetr
Plant	Victoria Gotti, John A. Gotti

Gangster Americanaidd a phennaeth y teulu Mafia Gambino yn Ninas Efrog Newydd oedd John Joseph Gotti, Jr (27 Hydref 1940 – 10 Mehefin 2002). Gorchmynnodd fradlofruddiaeth Paul Castellano, pennaeth y teulu Gambino, ym 1985 gan adael Gotti i gipio'r arweinyddiaeth. Daeth yn enwog fel The Dapper Don am ei bersonoliaeth a'i ddillad, ac er gwaethaf ei droseddau roedd yn boblogaidd â'r cyhoedd yn Efrog Newydd, yn bennaf trigolion Queens.^[1] Galwyd hefyd yn The Teflon Don am iddo osgoi ei gael yn euog mewn tri achos llys yn y 1980au, o ganlyniad i Gotti a'i gyd-droseddwyr yn ymyrryd â rheithwyr.

Llwyddodd yr FBI ac Heddlu Dinas Efrog Newydd i ddymchwel Gotti ar ddechrau'r 1990au. Cyhuddwyd o racetirio, llofruddiaeth, cynllwynio i lofruddio, usurio, gamblo anghyfreithlon, rhwystro cyfiawnder, llwgrwobrwyo, cribddail, ac osgoi treth.^[2]^[3] Cafwyd yn euog o bob cyhuddiad ar 2 Ebrill 1992, ac ar 23 Mehefin 1992 dedfrydwyd i garchar am oes heb bosibilrwydd parôl a dirwy o $250,000.^[3]^[4] Bu farw Gotti yn y carchar o ganser yr oesoffagws yn 2002.

Cyfeiriadau

↑ (Saesneg) 'Dapper Don' John Gotti dead. CNN (11 Mehefin 2002). Adalwyd ar 19 Awst 2012.
↑ Davis, John H. Mafia Dynasty: The Rise and Fall of the Gambino Crime Family. Efrog Newydd: HarperCollins, 1993, tt.370–371
↑ ^3.0 ^3.1 (Saesneg) "UNITED STATES OF AMERICA, Appellee, v. FRANK LOCASCIO, and JOHN GOTTI, Defendants-Appellants". ispn.org. United States Court of Appeals for the Second Circuit. October 8, 1993. Archifwyd o'r gwreiddiol ar 2012-03-15. Cyrchwyd March 9, 2012.
↑ Davis, tt. 486–487

[1] (Saesneg) 'Dapper Don' John Gotti dead. CNN (11 Mehefin 2002). Adalwyd ar 19 Awst 2012.

[2] Davis, John H. Mafia Dynasty: The Rise and Fall of the Gambino Crime Family. Efrog Newydd: HarperCollins, 1993, tt.370–371

[1992_trial_appeal-3] 3.0 ^3.1 (Saesneg) "UNITED STATES OF AMERICA, Appellee, v. FRANK LOCASCIO, and JOHN GOTTI, Defendants-Appellants". ispn.org. United States Court of Appeals for the Second Circuit. October 8, 1993. Archifwyd o'r gwreiddiol ar 2012-03-15. Cyrchwyd March 9, 2012.

[4] Davis, tt. 486–487

[1]

[2]

[3]

[4]