Köktöbel

Şablon:Qırımdaki meskün yer Köktöbel (ukraince Коктебель, rusça Коктебе́ль) — şarqiy Qırımnıñ Kefeden cenüp-ğarpqa taba 20 km qadar uzaqlıqta Kefe-Aluşta avtoyolunda yerleşken bir qasaba. Qara deñiz yalı boyunda Köktöbel körfezi yalısında Qaradağ yanındaki şeer.

Eali

Ealiniñ sayısı — 2841 kişi (2001): rus — 50 %, ukrain — 36 %, bulardan da ğayrı qırımtatarlar, bulğarlar, yunanlar, almanlar ve başqa milletler yaşaylar.

Naqliyat

Avtostantsiya Aqmescit, Sudaq, Kerç ve Kefe şeerleri arasında köçürüvler eda ete. Marşrut taksiler toqtamadan dolaşalar.

Tarih

Köktöbel qurulğan doğru tarihı belgisiz. Qasaba yanındaki Tepsen platosında Erte Orta asırlardan berli belli olğan qadimiy meskün yer edi. XIX asırnıñ soñunda Köktöbel ealisi qırımtatarlar ve Qırımğa icret etken bulğarlardan ibaret edi. Şimdiki Köktebel qasabası Köktöbel köyü, bulğar Baraköl, yunan Armutluq, rus Kardon hutorları ve körfez yalısındaki yazlıq evler qasabası birleşüvi neticesinde quruldı.

XIX asırnıñ soñundan berli Köktöbel yazlıq raatlanuv populâr yerine çevirildi. Yazlıq evli Köktöbel temel qoyucı — Eduard Andreyeviç Yгnge edi. Köktöbelde başqa-başqa zamanlarda Maksimilian Voloşin, Aleksey Tolstoy, Vikentiy Veresayev ve başqa medeniyet erbapları yaşay ediler. 1930 seneleri bu künge qadar saqlanıp qalğan Köktöbel adlı yazıcılar yaratıcılığı evi qurulğan edi.

Şimdiki Köktöbel

Şimdiki Köktöbel —deñiz yanındaki popular kurort.

Voloşin yaşağan evinde şimdi şair muzeyi amelde.

Köktöbel yanında Qara Dağ qoruğı yerleşken.

Galereya

• Hameleon burnu
  Hameleon burnu
• Köktöbelden Qara Dağ manzarası
  Köktöbelden Qara Dağ manzarası

Linkler

• "Bizim Köktöbel" adlı Köktöbel internet resursı
• Köktöbel fotoları ve yañılıqları
• Welcome to Coctebel
• Köktöbel haritası